2 Samuel 3:28 - Marahay na Bareta Biblia

²⁸ Kan madangog ni David an bareta, nagsabi siya, “Aram nin Kagurangnan na mayo akong sala asin an sakong mga nasasakopan sa pagkagadan ni Abner.

2 Samuel 3:28 ပူးပေါင်းရင်းမြစ်များ

Genesis 4:10

Dangan nagtaram an Kagurangnan, “Tano ta ginibo mo an makangirhat na bagay na ini? An tingog kan dugo kan tugang mo nag-aagrangay sako hale sa irarom kan daga, naghahagad nin pagbalos.

Genesis 9:6

An tawo ginibo sa ladawan nin Dios, kaya an siisay man na gumadan sa kapwa niya tawo, gagadanon man kan saiyang kapwa.

2 Samuel 1:16

asin sinabihan ni David an Amalekita, “Hinukoman mo an saimong sadiri kan sabihon mong ginadan mo an linahidan nin Kagurangnan.”

2 Samuel 16:8

Kinua mo an kahadean ni Saul, kaya pinapadusahan ka ngunyan nin Kagurangnan huli ta kadakul sa pamilya ni Saul an saimong ginadan. Itinao na nin Kagurangnan an kahadean sa aki mong si Absalom, asin mayo ka na, ika na paragadan!”

2 Samuel 3:27

Pag-abot ni Abner sa Hebron, isiniblag siya ni Joab sa may trangkahan, na garo boot kaolayon sa hilom, asin duman binuno siya ni Joab sa tulak. Kaya ginadan si Abner huli ta ginadan niya an tugang ni Joab na si Asahel.

2 Samuel 3:29

Humugpa logod an padusa ki Joab asin sa bilog niyang pamilya! Sa lambang henerasyon nin saiyang pamilya, magkaigwa logod nin may helang na turo o daot o magkaigwa nin bakla o magadan sa ralaban o mayong kinakakan!”

Exodo 21:12

“An siisay man na magkulog nin iba dangan nagadan siya, dapat na gadanon man.

Mga Bilang 35:33

Kun gibohon nindo iyan, didigtaan nindo an dagang pinag-eerokan nindo; huli ta an paggadan nakakadigta sa daga. Kaya pwera kan paggadan sa kriminal mayo na nin ibang paagi tanganing matubos an daga na nabulosan nin dugo kan biktima.

Mateo 27:24

Kan mahiling ni Pilato na dai siyang magiginibo, ata ngani orog na nagriribok an mga tawo, nagpakua siya nin tubig asin naghanaw kan saiyang mga kamot sa atubangan kan mga tawo. “Dai akong sala sa kagadanan kan tawong ini. Kabotan nindo ini!” an sabi niya.