2 Samuel 24:4 - Marahay na Bareta Biblia

⁴ Alagad ipinaotob kan hade ki Joab saka sa mga opisyal niya an saiyang pagboot; naghale sinda sa atubang kan hade dangan naglakaw tanganing sensohon an mga tawo sa bilog na Israel.

2 Samuel 24:4 ပူးပေါင်းရင်းမြစ်များ

2 Samuel 24:3

Alagad nagsimbag si Joab, “Gibohon logod nin Kagurangnan na saimong Dios na magdakul pa nin sanggatos na beses an bilang ngunyan kan namamanwaan sa Israel asin mahiling mo logod na ginigibo niya iyan. Alagad tadaw ta naoogma an Mahal na Hade na gibohon ini?”

2 Samuel 24:5

Binalyo ninda an Jordan asin nagkampo sa habagat nin Aroer, an syudad na nasa tahaw kan kapantayan, sa teritoryo nin Gad. Hale duman, nagpa-amihan sinda, sa Jazer,

1 Mga Cronica 21:4

Alagad ipinaotob kan hade ki Joab an saiyang pagboot. Kaya nagluwas si Joab, naglibot sa bilog na Israel dangan nagbalik sa Jerusalem.

Exodo 1:17

Alagad dai sinunod kan mga partera an pagboot kan hade huli ta may pagkatakot sinda sa Dios; pinabayaan nindang mabuhay an mga aking lalaki.

Exodo 30:12

“Pagsenso mo kan mga Israelita, an lambang saro sa sainda mabalukat kan saiyang buhay tanganing mayo nin maraot na mangyari sa sainda mantang ginigibo an pagsenso.

Parahulit 8:4

Mapangyari an tataramon kan hade asin mayo nin makakasalungat sa ginigibo niya.

Mga Gibo 5:29

Nagsimbag si Pedro saka an mga apostol, “Kaipuhan kuyogon mi an Dios, bakong an tawo.