2 Samuel 24:25 - Marahay na Bareta Biblia

²⁵ Dangan nagpatindog si David nin altar para sa Kagurangnan asin nagdolot nin mga tinutong na atang saka mga dolot para sa katoninongan. Sinimbag nin Kagurangnan an saiyang pamibi, asin naontok an peste sa Israel.

2 Samuel 24:25 ပူးပေါင်းရင်းမြစ်များ

Genesis 12:7

Nagpahiling an Kagurangnan ki Abram asin nagtaram saiya, “Iyo ini an daga na itatao ko sa saimong mga kapagarakian.” Kaya naggibo siya duman nin altar para sa Kagurangnan na nagpahiling saiya.

Genesis 22:9

Pag-abot ninda sa lugar na itinaram nin Dios, naggibo si Abraham nin sarong altar dangan pinakarahay an mga kahoy sa ibabaw kaini. Pakatapos, ginapos niya si Isaac asin ibinugtak sa altar, sa ibabaw kan mga kahoy.

Genesis 8:20

Guminibo si Noe nin altar para sa Kagurangnan; pakatapos kuminua siya nin saro hale sa manlaen-laen na klase kan malinig na hayop asin gamgam dangan tinutong niyang bilog an mga ini sa altar bilang dolot.

2 Samuel 21:14

Dangan ilinubong ninda an mga tolang ni Saul asin ni Jonatan sa Zela sa daga ni Benjamin, sa lulubngan ni Kis na ama ni Saul; ginibo ninda an gabos na ipinagboot kan hade. Pakatapos kaini, sinimbag nin Dios an saindang mga pamibi para sa nasyon.

2 Samuel 24:14

Nagsimbag si David ki Gad, “Masakit an kamugtakan ko! Alagad habo kong an tawo an magpadusa sako. An Kagurangnan iyo an magpadusa sako, huli ta dakula an saiyang pagkaherak.”

1 Mga Hade 1:1

Gurang na nin marahay si Hadeng David, asin maski pirang tamong an itahob sa saiya kan saiyang mga sorogoon dai na siya nahihimbongan.

Ezekiel 16:42

Dangan mahahale an sakong kaanggotan asin matotoninong ako. Dai na ako maaanggot asin mag-iimon.

Mga Bilang 17:13

Kun an siisay man na magrani sa Tabernakulo kaipuhan na magadan, garo na man sana kami gadan gabos!”

Hukom 21:4

Pagkaaga, amay na nagbangon an mga Israelita dangan naggibo nin sarong altar duman. Nagdolot sinda nin mga tinutong na atang asin mga dolot para sa katoninongan.

Hukom 6:24

Pakatapos kaini, nagtugdok nin altar si Gideon para sa Kagurangnan asin nginaranan niyang, “An Kagurangnan iyo an katoninongan.” (Sagkod ngunyan nagtitindog pa ini duman sa Ofra na sadiri kan pamilya ni Abiezer.)

1 Samuel 13:9

kaya nagsabi siya, “Daraha digdi sako an tututongon na atang asin an atang para sa katoninongan.” Dangan idinolot niya an tinutong na atang.

1 Samuel 14:35

Nagtugdok nin altar si Saul para sa Kagurangnan; iyo idto an enot na altar na saiyang ginibo.

1 Samuel 7:17

Dangan minapuli siya sa saiyang harong sa Rama, na pinaglilingkodan man niya bilang hukom. Nagpatugdok siya duman nin altar para sa Kagurangnan.

1 Samuel 7:9

Kaya nagbuno si Samuel nin sarong bako pang butas na kordero asin bilog na idinolot bilang sarong tinutong na atang sa Kagurangnan. Dangan nag-agrangay siya sa Kagurangnan para sa Israel; sinimbag siya nin Kagurangnan.