2 Samuel 24:24 - Marahay na Bareta Biblia

²⁴ Alagad nagsimbag an hade, “Babakalon ko an saimong ginikan sa tamang halaga. Dai ako madolot sa Kagurangnan na sakong Dios nin atang na dai ko binayadan.” Kaya binakal ni David sa halagang singkwentang pedaso na kwartang plata an lugar na pinaggiginikan asin an mga baka.

2 Samuel 24:24 ပူးပေါင်းရင်းမြစ်များ

Genesis 23:11

“Dangoga ako, kagurangnan; sa atubang kan sakong mga kahimanwa, itatao ko saimo an bilog na oma asin an lungib na yaon duman tanganing ikalubong mo an saimong agom.”

Genesis 23:13

asin nagsabi ki Efron sa pandangog kan gabos, “Dangoga ngona ako; babakalon ko an bilog na oma. Akoa an kabayadan tanganing ikalubong ko duman an sakong agom.”

Genesis 23:16

Nag-oyon si Abraham kaya tinimbang niya an halagang sinambit ni Efron sa atubang kan mga tawo—kwatro syentos na pedasong plata, sosog sa kinaugalean na timbang na ginagamit kan mga negosyante.

1 Mga Cronica 21:1

Nagtindog si Satanas laban sa Israel asin dinagka si David na sensohon an banwaan nin Israel.

1 Mga Cronica 22:1

Kaya nagsabi si David, “Iyo ini an lugar na pagtutugdokan kan Templo nin Kagurangnan Dios, asin digdi mamumugtak an altar na pagdodolotan kan mga atang kan banwaan nin Israel.”

Roma 12:17

Kun gibohan kamo nin maraot, dai kamo magbalos nin maraot. Hingowahon nindong danay na magibo an pinaghohonang marahay kan gabos na tawo.