2 Samuel 24:23 - Marahay na Bareta Biblia

²³ Itinao ini gabos ni Arauna sa hade asin nagsabi, “Akoon logod nin Kagurangnan na saimong Dios an saimong dolot.”

2 Samuel 24:23 ပူးပေါင်းရင်းမြစ်များ

Salmo 45:16

Sakong hade, magkakaigwa ka nin dakul na aking lalaki, na masalihid bilang mga hade sa mga ginikanan mo, asin gigibohon mo sindang mga pamayo sa bilog na daga.

Isaias 32:8

Alagad an iginagalang na tawo minagibo nin matanos asin pusog na ipinakikilaban an mga bagay na matanos.

Isaias 60:7

An gabos na karnero nin Kedar saka Nebaiot dadarahon saimo bilang mga sakripisyo asin idodolot sa altar tanganing maogma an Kagurangnan. Orog na papamurawayon nin Kagurangnan an saiyang Templo sagkod lamang.

Oseas 8:13

Nagdodolot sinda sako nin mga sakripisyo asin kinakakan ninda an laman kan mga sakripisyo. Alagad ako, an Kagurangnan, dai naoogma sainda, asin gigiromdomon ko ngunyan an saindang kasalan dangan papadusahan ko sinda huli kaiyan; ibabalik ko sinda sa Egipto!

1 Pedro 2:5

Magdolok kamo bilang mga buhay na gapo tanganing magamit sa pagtugdok kan espiritwal na templo; maglilingkod kamo bilang mga banal na padi, na magdodolot nin mga atang na espiritwal, na ikakaogma nin Dios huli ki Jesu-Cristo.