2 Samuel 24:16 - Marahay na Bareta Biblia

¹⁶ Kan an Jerusalem na an raraoton kan anghel nin Kagurangnan, nagliwat siya nin isip dapit sa pagpadusa sa mga tawo. Tinaraman niya an anghel na nanggagadan kan mga tawo, “Ontok! Tama na!” An anghel yaon duman sa may ginikan ni Arauna na Jebuseo.

2 Samuel 24:16 ပူးပေါင်းရင်းမြစ်များ

Genesis 10:16

Si Canaan iyo man an ginikanan kan mga Jebuseo, Amoreo, Gergeseo,

Genesis 6:6

nagmondo siya saka nagbasol kun tadaw ta ginibo pa niya an mga tawo dangan ibinugtak sa daga.

2 Samuel 24:18

Kan aldaw man sanang iyan nagduman si Gad ki David asin sinabihan, “Magtukad ka sa ginikan ni Arauna dangan maggibo ka nin altar para sa Kagurangnan.”

2 Samuel 5:8

Kan aldaw na idto, nagsabi si David sa saiyang mga tawohan, “An siisay man na boot gumadan kan mga Jebuseo, na ikinakaongis ko, kaipuhan mag-agi sa kanal kan tubig asin salakayon an mga pilay saka mga buta duman.” (Ini an dahelan kun tadaw ta sinabing, “Dai makakalaog sa harong nin Kagurangnan an mga buta asin an mga pilay.”)

1 Mga Hade 19:4

dangan bilog na aldaw siyang naglakaw pasiring sa kalangtadan. Nag-ontok siya sa sarong kahoy, nagtukaw sa sirong kaini saka nagmawot na magadan. “Tama na Kagurangnan,” an pamibi niya. “Kuahon mo na ako; mas marahay pa sako an magadan!”

2 Mga Hade 19:35

Kan bangging idto sarong anghel nin Kagurangnan an nagduman sa kampo kan mga taga Asiria asin ginadan an syento otsenta y singko mil na soldados. Pagkaaga kan sunod na aldaw, mahihiling sindang nahuhutad, gabos gadan!

1 Mga Cronica 1:14

Si Canaan iyo man an ginikanan kan mga Jebuseo, Amoreo, Gergeseo,

2 Mga Cronica 3:1

Itinalaan na ni David, na ama ni Solomon, kun saen itutugdok an Templo. Duman ini itutugdok sa Jerusalem, sa ibabaw kan Bukid nin Moria, saen nagpahiling ki David an Kagurangnan, sa lugar na ginamit ni Arauna na Jebuseo bilang ginikan. Pinonan ni Solomon an pagtugdok kan Templo

2 Mga Cronica 32:21

An Kagurangnan nagsugo nin sarong anghel na guminadan kan gabos na soldados saka mga opisyal kan hukbo kan emperador nin Asiria. Kaya sa kasopogan nagbalik ini sa saiyang daga. Dangan kan magduman siya sa templo kan saiyang dios, binuno siya sagkod na magadan kan nagkapira niyang aking lalaki.

Salmo 135:14

Susurogon nin Kagurangnan an saiyang banwaan; mga sorogoon niya saiyang maheherakan.

Salmo 35:6

Magin madiklom saka mahalnas logod an saindang agihan, mantang pinapadusahan sinda kan anghel nin Kagurangnan!

Salmo 78:38

Alagad maheherakon an Dios sa saiyang banwaan. Pinatawad niya an saindang kasalan asin dai niya sinda ginadan. Dakul na beses niyang pinugolan an saiyang kaanggotan, asin dai niya pinukaw an saiyang labi-labing kaanggotan.

Salmo 90:13

Sagkod nuarin, Kagurangnan, an saimong kaanggotan? Kaheraki an saimong mga sorogoon.

Exodo 12:13

An dugo sa mga hamba asin sa itaas kan mga pintoan iyo an tanda kan mga harong na pinag-eerokan nindo. Sa oras na mahiling ko an dugo, lilihisan ko kamo asin mayo nin mangyayari saindo mantang pinapadusahan ko an mga Egipcio.

Exodo 12:23

Malibot an Kagurangnan sa Egipto tanganing gadanon an mga Egipcio. Sa oras na mahiling niya an dugo sa mga hamba asin sa itaas kan mga pinto, dai niya tutugotan na lumaog an paragadan sa saindong mga harong tanganing gadanon kamo.

Exodo 32:14

Kaya dai idinagos nin Kagurangnan an saiyang kaisipan na pagtunaw sa saiyang banwaan.

Exodo 9:28

Mamibi kamo sa Kagurangnan huli ta dai mi na matitios ining pagdaguldol asin pag-uran nin yelo. Nanunuga ako na papahaleon ko na kamo; asin dai na kamo maghahaloy digdi.”

Isaias 27:8

Pinadusahan nin Kagurangnan an saiyang banwaan sa paagi nin pagtapok sainda. Hinale niya sinda sa paagi nin makuring doros na hale sa sirangan.

Isaias 57:16

Ako an nagtao nin buhay sa sakong banwaan; dai ko ipapadagos an pag-akusar sainda asin dai man ako maaanggot sainda sagkod lamang.

Jeremias 26:19

Dai ginadan ni Hadeng Ezekias asin kan mga taga Juda si Mikas. Embes kaiyan, natakot sa Kagurangnan si Ezekias saka hiningowa niyang mawilihan siya nin Kagurangnan. Binago nin Kagurangnan an saiyang desisyon manongod sa kasakitan na sinabi niyang dadarahon niya sainda. Ngunyan, kita man sana an naghahagad nin kasakitan para sa satong mga sadiri.” (

Jeremias 42:10

‘Kun magdanay kamo sa dagang ini, papatindogon ko kamo asin dai rurumpagon; itatanom ko kamo asin dai gagaboton. An karatan na dinara ko saindo nagin dahelan kan dakulang kamondoan ko.

Amos 7:3

Nagbago nin isip an Kagurangnan asin nagsabi, “Dai mangyayari an saimong nahiling.”

Amos 7:6

Nagbago nin isip an Kagurangnan asin nagsabi, “Dai man iyan mangyayari.”

Habakkuk 3:2

Kagurangnan, nadangog ko an manongod sa saimong ginibo, asin natakot ako. Giboha giraray sa samong panahon an mga ngangalasan na ginibo mo kaidto. Magin maheherakon ka maski sa panahon na naaanggot ka.

Zacarias 9:7

An mga Filisteo dai na nanggad magkakakan nin karneng igwa pa nin dugo, o nin ibang ipinapangalad na kakanon. Magigin kaayon sa sakong banwaan an gabos na matada sa sainda, asin ibibilang sinda na saro sa mga kamaganakan sa tribu nin Juda. An Ekron magigin kaayon kan sakong banwaan arog kan mga Jebuseo.

Markos 14:41

Sa ikatolong beses binalikan sinda ni Jesus dangan sinabihan, “Torog pa giraray kamo? Nagpapahingalo pa kamo? Tama na iyan! Oras na; an Aki nin Tawo itatao sa kamot nin mga parakasala.

Mga Gibo 12:23

Pinadusahan tolos si Herodes kan sarong anghel nin Kagurangnan, huli ta dai niya itinao sa Dios an kaomawan. Inulod siya dangan nagadan.

1 Corinto 10:10

Dai kita dapat maggurumod-gumod, siring kan ginibo kan iba sainda, kaya ginadan sinda kan Paragadan.

2 Corinto 2:6

Tama na an padusang itinao sa tawong iyan kan kadaklan saindo.

Josue 15:63

Alagad dai napahale kan banwaan nin Juda an mga Jebuseo na nag-eerok sa Jerusalem. Sagkod ngunyan duman sinda nag-erok kaiba an mga tawo na gikan sa tribu ni Juda.

Hukom 1:21

Alagad dai pinahale sa Jerusalem kan tribu ni Benjamin an mga Jebuseo kaya padagos na nag-erok sinda duman sa kaibahan kan banwaan ni Benjamin.

1 Samuel 15:11

“Nagbabasol ako ta ginibo kong hade si Saul; tinalikodan niya ako asin sinuhay an sakong mga pagboot.” Naanggot si Samuel; bilog na bangging nakimaherak siya sa Kagurangnan.