2 Samuel 24:1 - Marahay na Bareta Biblia

¹ Naanggot giraray an Kagurangnan sa Israel asin hiniro niya si David na iyo an magdara nin kasakitan sa sainda. Tinaraman nin Kagurangnan si David, “Lakaw asin sensohon mo an mga tawo nin Israel saka Juda.”

2 Samuel 24:1 ပူးပေါင်းရင်းမြစ်များ

Genesis 45:5

Alagad dai kamo magmondo o magbasol kan saindong sadiri na ipinabakal nindo ako digdi. Enot akong ipinadara nin Dios ki sa saindo tanganing ikaligtas an dakul na buhay.

Genesis 50:20

Nagplano kamo nin maraot laban sako, alagad pinakarahay ini nin Dios tanganing ikaligtas an buhay nin dakul na tawo, na buhay sagkod ngunyan.

2 Samuel 12:11

Isinusumpa kong papalatawon ko an sarong tawo hale sa saimong pamilya tanganing darahan ka nin karatan. Sa atubang mo, kukuahon ko an saimong mga agom dangan itatao ko sinda sa ibang lalaki. Sa liwanag nin aldaw, dodorogan ninda an saimong mga agom.

2 Samuel 16:10

Sinabihan kan hade si Abisai asin an tugang niyang si Joab, “Dai kamo makilabot digdi. Kun maldisyonon niya ako huli ta sinabihan siya nin Kagurangnan, siisay an may deretsong maghapot kun tadaw ta ginigibo niya iyan?”

2 Mga Hade 3:6

Kaya naghale si Hadeng Joram sa Samaria asin tinipon an saiyang mga soldados.

1 Mga Cronica 21:1

Nagtindog si Satanas laban sa Israel asin dinagka si David na sensohon an banwaan nin Israel.

1 Mga Cronica 7:2

An mga aking lalaki ni Tola iyo si Uzzi, Refaias, Jeriel, Jamai, Ibsam, asin Semuel. Sinda an mga pamayo kan mga pamilya kan kamaganakan ni Tola, asin bantog sindang mga soldados. Kan panahon ni Hadeng David, an bilang kan saindang kapagarakian uminabot sa beynte dos mil seis syentos.

1 Mga Cronica 7:40

Ini gabos iyo an kapagarakian ni Asher. Mga pamayo sinda nin mga pamilya, mga bantog na soldados asin midbid na mga lider. An bilang kan kapagarakian ni Asher na maninigong maglingkod sa hukbo uminabot sa beynte seis mil.

2 Mga Cronica 32:25

Alagad huli sa kapaabaw-abawan, dai lamang nagpahiling si Ezekias nin anoman na pasasalamat sa ginibo saiya nin Kagurangnan. Kaya an kaanggotan nin Kagurangnan duminatong saiya, sa Juda asin sa Jerusalem.

Exodo 7:3

Alagad papatagason ko an puso kan hade tanganing maski dakul na makangingirhat na bagay an gibohon ko sa Egipto, dai siya madangog saimo.

Ezekiel 14:9

“Kun an sarong propeta nadagkang magtao nin salang kasimbagan, nangyari iyan huli ta ako, an Kagurangnan, an nagdagka saiya. Hahaleon ko siya sa sakuyang banwaan nin Israel.

Ezekiel 20:25

“Dangan tinawan ko sinda nin mga pagboot na bakong marahay asin mga togon na dai nagdadara nin buhay.

Levitico 10:6

Sinabihan ni Moises si Aaron asin an mga aki kaining si Eleazar saka si Itamar, “Dai nindo pagpabayaan na dai masukray an saindong buhok asin dai nindo paggision an saindong mga gubing sa pagpahiling na kamo nagmomondo. Kun gibohon nindo iyan, magagadan kamo asin maaanggot an Kagurangnan sa bilog na banwaan. Alagad tinutugotan an kapwa nindo Israelita na ipagmondo an kagadanan na ini huli sa ipinadarang kalayo nin Kagurangnan.

Mga Bilang 1:19

sosog sa pagboot nin Kagurangnan. Ginibo ni Moises an pagsenso duman sa Desyerto nin Sinai.

Mga Gibo 4:28

Ginibo ninda an gabos na bagay na itinalaga mong mangyayari.

2 Tesalonica 2:11

Huli kaini ipapairarom sinda nin Dios sa kapangyarihan kan maraot, tanganing mapatubod sinda sa kaputikan.

Hukom 2:14

Kaya naanggot nin marahay sa sainda an Kagurangnan asin tinugotan niyang paghabonan asin salakayon an mga Israelita. Tinugotan niyang daogon kan mga kaiwal ninda an Israel, sagkod na dai na ninda kayang iligtas an saindang sadiri.

Hukom 2:20

Dangan naanggot an Kagurangnan sa Israel asin nagtaram, “Dai inotob kan nasyon na ini an tipan na ipinagboot ko sa saindang mga ginikanan. Huli ta dai sinda nagsunod sako,

1 Samuel 26:19

Mahal na Hade, dangoga an sasabihon ko. Kun an Kagurangnan an nagpasabong saimo na labanan ako, pwedeng magbago an saiyang isip huli sa sarong dolot. Alagad kun mga tawo an kaggibo kaiyan, mapasainda logod an maldisyon nin Kagurangnan, huli ta pinahale ninda ako sa daga nin Kagurangnan asin pinaduman sa sarong daga saen mga dayuhan na dios an pwede ko sanang sambahon.