2 Samuel 23:5 - Marahay na Bareta Biblia

⁵ Siring an gigibohon na pagbendisyon nin Dios sa sakong kapagarakian, huli ta guminibo siya sako nin mayong kataposan asin dai mapapatod na tipan, sarong panuga na dai nanggad maliliwat. Huli ta dai daw ako tatabangan nin Dios, asin papangyarihon an gabos kong kamawotan?

2 Samuel 23:5 ပူးပေါင်းရင်းမြစ်များ

Genesis 9:16

Paglataw kan bulalangaw sa mga panganoron, mahihiling ko iyan asin magigiromdoman ko an daing kataposan na tipan ko sa gabos na may buhay sa kinaban.

2 Samuel 12:10

Kaya magpoon ngunyan, magagadan sa dahas an nagkapira sa saimong kapagarakian sa lambang henerasyon, huli ta tinalikodan mo ako asin saimong kinua an agom ni Urias na Heteo.

2 Samuel 13:14

Alagad dai dinangog ni Amnon si Tamar asin huli ta mas makosog siya ki Tamar, nadaog niya ini asin nalupigan.

2 Samuel 13:28

dangan pinagbotan an saiyang mga sorogoon: “Tandaan nindo kun burat na si Amnon; dangan kun sabihan ko kamong, ‘Gadana nindo si Amnon,’ gadanon nindo siya. Dai kamo matakot; ako an bahala. Magmaisog kamo asin dai magduwa-duwa!”

2 Samuel 18:14

Nagsabi si Joab, “Nasasayang an panahon ko saimo.” Nagkua si Joab nin tolong garod asin itinusok an mga ini sa daghan ni Absalom mantang buhay pa siya asin nabibitay sa hamurawon na kahoy.

2 Samuel 7:12

Kun ika magadan dangan ilubong sa kaibahan kan saimong mga ginikanan, gigibohon kong hade an saro kan saimong mga aking lalaki asin papakosogon ko an saiyang kahadean.

2 Samuel 7:18

Dangan naglaog si Hadeng David sa Tabernakulo, nagtukaw, asin namibi sa Kagurangnan, “Siisay man ako, O Kagurangnan Dios, saka ano an sakong pamilya, ta ginibo mo an mga bagay na ini sako?

1 Mga Hade 1:5

Kan panahon na iyan, si Adonias na an ina iyo si Haggit naghambog na magigin hade siya; nag-andam siya para sa sadiri niya nin mga karwahe, mga nangangabayo, asin singkwentang lalaki na masabay saiya kun siya naglalakaw.

1 Mga Hade 11:38

Kun kukuyogon mo nanggad ako, mamumuhay sosog sa sakong katogonan, asin maggigibo kan matanos sa atubang ko huli sa pag-otob kan sakong mga togon saka mga pagboot siring kan ginibo kan sorogoon kong si David, danay takang iibahan. Gigibohon takang hade nin Israel asin gigibohon kong hade an saimong mga kapagarakian bilang kasalihid mo, siring kan ginibo ko para ki David.

1 Mga Hade 12:14

Siring kan hatol kan mga hoben na lalaki, nagsabi siya, “Binugtakan kamo kan sakong ama nin magabat na pasanon; orog ko ining pagagabaton. Naggamit siya saindo nin badas; gagamiton ko saindo an pamakol na may tonok!”

Salmo 111:9

Pinatalingkas niya an saiyang banwaan, dangan naggibo sainda nin tipan na dai nin kasagkoran. Banal asin ginagalangan an saiyang ngaran!

Salmo 119:81

Nanluluya na an sakong kalag sa kahahalat kan saimong kaligtasan; naglalaom ako sa saimong tataramon.

Salmo 27:4

Saro sana an hinahagad ko sa Kagurangnan; saro sanang bagay an sakong minamawot; na ako mag-erok sa harong nin Kagurangnan sa gabos na aldaw nin sakong buhay, na mahiling ko an kagayonan nin Kagurangnan, asin magpamibi sa saiyang pinag-eerokan.

Salmo 62:2

Siya sana an sakong gapo asin kaligtasan; siya an sakong bantayan, dai nanggad ako mahihiro.

Salmo 89:3

Ika nagtaram, “Ako nakipagtipan sa tawong sakong pinili; ako nanuga ki David na sakong sorogoon:

Isaias 11:1

May maluwas na sarong supang sa pungo ni Jesse, asin sarong sanga an matalubo hale sa saiyang mga gamot.

Isaias 27:6

Sa mga maabot na aldaw, an banwaan nin Israel, an mga kapagarakian ni Jacob, magkakaigwa nin gamot arog sa sarong kahoy, asin magsusupang dangan mamumurak sinda. Mapapano kan saindang bunga an bilog na kinaban.

Isaias 4:2

Maabot an panahon na papadakulaon asin papagayonon nin Kagurangnan an gabos na tinanom sa Israel. Mawiwilihan asin ipag-oorgulyo kan mga matatadang mga tawo an bunga kan daga.

Isaias 54:10

Pwedeng magkaroronot an kabukidan saka kabubuldan, alagad an sakong pagkamoot saimo dai magkakaigwa nin kataposan; an sakong panuga na katoninongan ootobon ko sagkod lamang.” Iyan an sinasabi nin Kagurangnan na namomoot saimo.

Isaias 55:3

“Paghinanyog kamo, sakong banwaan, asin dumolok kamo sako; madya kamo sako, asin magkakaigwa nin kapanoan an saindong buhay! Magibo ako saindo nin tipan na daing kataposan asin itatao ko saindo an mga bendisyon na ipinanuga ko ki David.

Isaias 61:8

Nagsasabi an Kagurangnan, “An hustisya sakong namomotan asin an panghabon saka karatan sakong naoongisan. Maimbod kong babalosan an sakong banwaan asin magibo ako sainda nin mayong tapos na tipan.

Isaias 7:14

Kaya an Kagurangnan mismo an matao saindo nin tanda: may sarong daraga na mangingidam asin mangangaki nin lalaki asin aapodon niyang Immanuel.

Jeremias 32:40

Magibo ako sainda nin sarong tipan na mayo nin kataposan. Dai ako maontok sa paggibo nin mga marahay na bagay para sa sainda. Gigibohon ko na matakot sinda sako sa bilog nindang puso tanganing dai na ninda ako pagtalikodan.

Jeremias 33:21

Sa siring na paagi, nakipagtipan ako sa sakong sorogoon na si David na danay siyang magkakaigwa nin kapagarakian na matukaw bilang hade, saka nakipagtipan ako sa mga padi na hale sa tribu ni Levi na danay sindang maglilingkod sako, asin an mga tipan na iyan dai nanggad mababago.

Ezekiel 37:26

Makikipagtipan ako sainda nin sarong tipan nin katoninongan, asin iyan magigin sarong daing kataposan na tipan. Bebendisyonan ko sinda asin papadakulon; an sakong Templo danay na matindog sa tahaw ninda sagkod pa man.

Amos 9:11

An Kagurangnan nagtataram, “Maabot an panahon na papakarahayon ko an kahadean ni David, na nakakaagid sa sarong harong na nagaba. Hihirahayon ko an mga kudal kaiyan asin papatindogon ko giraray iyan arog kan dating kamugtakan kaiyan.

Mga Gibo 13:34

Ipinahayag nin Dios na si Jesus bubuhayon niya liwat, tanganing dai nanggad malapa an saiyang hawak kan magsabi siya sa mga Kasuratan: ‘Itatao ko saindo an banal asin masasarigan na mga bendisyon na ipinanuga ko ki David.’

Hebreyo 13:20

An Dios iyo an nagbuhay liwat ki Jesus na satong Kagurangnan, an Dakulang Pastor kan mga karnero, na an dugo iyo an tanda kan daing kataposan na tipan.

Hebreyo 6:19

Sa paglaom na ini, igwa kita nin masarig asin makosog na angkla kan satong buhay; paglaom na minalagbas sa kurtina kan templo sagkod sa kabanal-banaleng lugar.

1 Samuel 2:35

Mapili ako nin sarong padi na magigin maimbod sako asin magibo kan gabos na ipagboboot ko. Tatawan ko siya nin dakul na aki asin makoapo, na danay na maglilingkod sa atubangan kan pinili kong hade.

1 Samuel 25:28

Patawadon mo ako kan ano man na kasalan na naginibo ko. Gigibohon kang hade nin Kagurangnan, asin an saimong mga kapagarakian, huli ta nakikilaban ka kan saiyang mga gera; mayong makukuang karatan saimo mantang buhay ka.