2 Samuel 23:22 - Marahay na Bareta Biblia

²² Iyo ini an mga ginibo ni Benaias, na kabilang sa “An Treynta.”

2 Samuel 23:22 ပူးပေါင်းရင်းမြစ်များ

2 Samuel 20:7

Kaya kaiba si Abisai, nagharale sa Jerusalem an mga tawohan ni Joab, an mga bantay kan hade, asin an gabos na soldados tanganing lamagon si Sheba.

2 Samuel 23:20

Si Benaias na aking lalaki ni Jehoiada na taga Kabzeel, saro man na bantog na soldados; nagpahiling siya nin dakul na gawe nin kaisogan. Ginadan niya an duwang dakulang paralaban na Moabita. Sarong aldaw sa panahon nin tiglipot, nagbaba siya sa sarong kalot asin nakagadan duman nin sarong leon.

2 Samuel 23:21

Nakagadan man siya nin sarong Egipcio, sarong dakulang lalaki na armado nin garod. Sinalakay ini ni Benaias na kapot an sarong sugkod, inagaw an garod sa kamot kan Egipcio asin ginadan ini kan sadiring garod.

2 Samuel 23:23

Saro siya sa mas bantog sa “An Treynta,” alagad bakong arog kabantog kan “An Tolo.” Siya an ibinugtak ni David na pamayo kan saiyang mga bantay.

2 Samuel 8:18

si Benaias, na aking lalaki ni Johoiada, iyo an namahala kan mga parabantay ni David, asin an mga aking lalaki ni David iyo an mga padi.