2 Samuel 23:16 - Marahay na Bareta Biblia

¹⁶ Kaya nangahas maglaog sa kampo kan mga Filisteo an tolong makokosog na soldados, nagharok nin tubig sa bubon, na nasa may trangkahan kan Betlehem, dangan dinara ki David. Alagad dai idto ininom ni David, kundi inula bilang sarong atang sa Kagurangnan.

2 Samuel 23:16 ပူးပေါင်းရင်းမြစ်များ

Genesis 35:14

Sa lugar na idto, saen nagtaram saiya an Dios, nagpatindog si Jacob nin hariging giromdoman na an ibabaw inulaan niya nin arak saka lana nin oliba.

2 Samuel 23:9

An sunod sa bantog na “An Tolo” iyo si Eleazar na aking lalaki ni Dodo kan kamaganakan ni Ahohi. Kaiba siya ni David kan agyaton ninda an mga Filisteo na nagtiripon duman para sa ralaban. Suminibog an mga Israelita,

1 Mga Cronica 11:18

Kaya nangahas maglaog sa kampo kan mga Filisteo an tolong makokosog na soldados, nagharok nin tubig sa bubon na nasa may trangkahan kan Betlehem, dangan dinara ki David. Alagad dai idto ininom ni David, kundi, inula bilang sarong atang sa Kagurangnan.

Parahulit 4:12

An saro pwedeng daogon nin saro katawo; alagad ini malalabanan nin duwa. Dai tolos mapapatod an linubid na tinolo-tolo.

Mga Panambitan 2:19

Sa bilog na banggi magtindog ka asin mag-apod sa Kagurangnan; siring sa tubig, iula mo an saimong puso sa atubangan nin Kagurangnan! Makimaherak ka para sa saimong mga aki na nadidismayo sa gutom sa lambang kanto kan tinampo.

Mga Bilang 28:7

Bilang dolot na arak na kaiba kan enot na kordero, iula nindo sa altar an sarong litrong arak.

Mga Gibo 20:24

Alagad para sako mayo nin halaga an buhay ko; boot ko sanang matapos an misyon na inako ko ki Jesus na Kagurangnan, na iyo an pagpahayag kan Marahay na Bareta dapit sa biyaya nin Dios.

Roma 5:7

Masakit an magpagadan para sa sarong matanos na tawo, alagad pwedeng may mangahas na magdusay nin buhay para sa tawong marahay.

2 Corinto 5:14

Huli ta an pagkamoot ni Cristo iyo an nagsasadol samo, huli ta aram nyamo na igwa nin sarong nagadan para sa gabos; kaya an gabos ibibilang na nagadan na man.

Filipos 2:17

Kun an sakong dugo papabuloson bilang kabtang kan saindong atang nin pagtubod, maoogma ako asin makikipag-ogma saindo gabos.

1 Samuel 19:5

Ibinugtak niya sa pag-alaman an saiyang buhay kan gadanon niya si Goliat, asin sarong dakulang panggana an ginibo nin Kagurangnan para sa Israel. Kan mahiling mo iyan, naogma ka. Tadaw ta ngunyan boot mong magkasala laban sa sarong tawong mayo nin sala arog ki David, sa paagi nin paggadan saiya na mayo nin ano man na dahelan?”

1 Samuel 7:6

Kaya nagtiripon sinda sa Mizpa. Nagharok sinda nin tubig dangan inula ninda bilang sarong dolot sa Kagurangnan; nag-ayuno sinda kan aldaw na idto. Olay ninda, “Nagkasala kami sa Kagurangnan.” (Hinukoman ni Samuel an mga Israelita duman sa Mizpa.)