2 Samuel 23:10 - Marahay na Bareta Biblia

¹⁰ alagad dai naghiro si Eleazar; linabanan niya an mga Filisteo sagkod na panluyahon an saiyang kamot asin dai na niya nabubutasan an saiyang espada. Dakulang kapangganahan an ipinahiling nin Kagurangnan kan aldaw na idto. Pakatapos kan ralaban, nagbalik an mga Israelita sa namumugtakan ni Eleazar tanganing hurubaan kan gubing sa pakilaban an mga nagkagaradan.

2 Samuel 23:10 ပူးပေါင်းရင်းမြစ်များ

2 Samuel 23:12

alagad dai naghiro si Samma sa saiyang natitindogan duman sa oma. Dai siya naghale kundi nakilaban; ginadan niya an mga Filisteo. Sarong dakulang kapangganahan an ipinahiling nin Kagurangnan kan aldaw na idto.

2 Mga Hade 5:1

Si Naaman, an pamayo kan hukbo nin Siria, sarong dakulang lalaki na nawiwilihan kan hade nin Siria, huli ta sa paagi ni Naaman itinao nin Kagurangnan an kapangganahan sa Siria. Saro siyang maisog na soldados, alagad may nakakatakot siyang helang sa kublit.

1 Mga Cronica 11:13

Kaiba siya ni David sa pakilaban sa mga Filisteo duman sa Pas-dammim. Yaon siya duman sa sarong oma nin sebada kan magdurulag an mga Israelita;

Salmo 108:13

Kun kaiba nyato an Dios, kita manggagana; siya an maronot kan mga kaiwal ta.

Salmo 144:10

Tinatawan mo nin kapangganahan an mga hade asin iliniligtas mo an saimong sorogoon na si David.

Salmo 68:12

“Nagdurulag an mga hade asin an saindang mga hukbo!” Sa harong binaranga kan mga babae an mga sinamsam:

Isaias 53:12

Kaya tatawan ko siya nin kaomawan, kaiba kan mga dakula saka mapangyaring mga tawo. Idinusay niya an saiyang buhay asin ibinilang siya sa kaibahan kan mga tampalasan. Inako niya an kasalan kan kadaklan asin ipinamibi niya na sinda patawadon.”

Roma 15:18

Huli ta dai ako mangangahas na magtaram nin anoman, pwera kan ginibo ni Cristo huli sako, tanganing madara kong magkuyog an mga pagano sa Dios sa paagi nin mga tataramon, mga gibo,

2 Corinto 4:5

An ipinaghuhulit mi bakong an sadiri mi kundi si Jesu-Cristo bilang Kagurangnan; ipinapahayag mi na kami mga sorogoon nindo dahel ki Jesus.

Josue 10:10

Ginibo nin Kagurangnan na magkatarakot an mga Amoreo pagkahiling sa hukbo nin Israel. Ginaradan sinda kan mga Israelita duman sa Gibeon asin linamag sinda sa dalan na paibaba kan Bet-horon sagkod sa Azeka asin Makkeda.

Josue 10:42

Dinaog ni Josue an mga hade duman asin sinakop an saindang mga teritoryo sa laog nin saro sanang pagsalakay, huli ta nakipaglaban para sa mga Israelita an Kagurangnan na Dios nin Israel.

Josue 11:8

Itinao nin Kagurangnan an kapangganahan sa mga Israelita; sinalakay ninda an mga kaiwal asin linamag sagkod sa Misrefot-maim saka Sidon sa parteng amihan, patin sagkod sa Kapantayan nin Mizpa sa sirangan. An ralaban nagpadagos sagkod na mayo na nin natadang buhay sa mga kaiwal.

Hukom 15:14

Pag-abot ni Samson sa Lehi, sinabat siya kan mga Filisteo na nagdadaralagan asin nagkukurahaw saiya. Bigla siyang pinakosog kan Espiritu nin Kagurangnan asin pinatod niya an mga pisi na nakagapos sa saiyang mga kamot na garo sana mga tinutong na torsido.

Hukom 15:18

Dangan nakamate si Samson nin labi-labing paha, kaya nag-apod siya sa Kagurangnan, “Itinugot mo na manggana ako, alagad ngunyan itutugot mo daw na magadan sana ako sa paha asin madakop kan mga bakong sirkomsisyonado?”

1 Samuel 11:13

Alagad nagsabi si Saul, “Mayo nin siisay man na gagadanon sa aldaw na ini, huli ta iyo ini an aldaw na ilinigtas nin Kagurangnan an Israel.”

1 Samuel 14:23

asin nakilaban sagkod sa ibong kan Bet-aven. Kan aldaw na idto, ilinigtas nin Kagurangnan an Israel.

1 Samuel 14:6

Sinabihan ni Jonatan an hoben na nagdadara kan saiyang armas, “Magduman kita sa kampo kan bakong sirkomsisyonadong mga Filisteo. Tibaad tabangan kita nin Kagurangnan; kun tabangan niya kita, mayong makakapugol saiya sa pagtao sato nin kapangganahan, maski dikit sana kita.”

1 Samuel 17:53

Pagbalik kan mga Israelitang nagralamag sa mga Filisteo, nanamsam sinda sa kampo kan mga Filisteo.

1 Samuel 19:5

Ibinugtak niya sa pag-alaman an saiyang buhay kan gadanon niya si Goliat, asin sarong dakulang panggana an ginibo nin Kagurangnan para sa Israel. Kan mahiling mo iyan, naogma ka. Tadaw ta ngunyan boot mong magkasala laban sa sarong tawong mayo nin sala arog ki David, sa paagi nin paggadan saiya na mayo nin ano man na dahelan?”