2 Samuel 22:51 - Marahay na Bareta Biblia

⁵¹ Darakulang panggana itinatao niya sa saiyang hade; danay na pagkamoot an ipinapahiling niya sa saiyang linahidan, ki David asin sa kapagarakian kaini sagkod pa man.

2 Samuel 22:51 ပူးပေါင်းရင်းမြစ်များ

2 Samuel 22:2

An Kagurangnan iyo an sakong parasurog; siya an sakong pailihan, sakong paratubos.

2 Samuel 23:1

Pinangagin dakula nin Dios si David na aking lalaki ni Jesse. Siya an pinili kan Dios ni Jacob na magin hade asin siya an naggibo nin magayon na mga awit para sa Israel. Ini an mga huring tataramon ni David:

2 Samuel 7:16

Danay kang magkakaigwa nin mga kapagarakian, asin an saimong trono magdadanay sagkod lamang. Mayo nin kataposan an saimong kahadean.’”

Salmo 144:10

Tinatawan mo nin kapangganahan an mga hade asin iliniligtas mo an saimong sorogoon na si David.

Salmo 18:50

Darakulang panggana itinatao niya sa saiyang hade, danay na pagkamoot an ipinapahiling niya sa saiyang linahidan, ki David asin sa kapagarakian kaini sagkod pa man.

Salmo 21:1

Sa saimong kosog nag-oogma an hade, O Kagurangnan; naoogma huli sa tabang na itinao mo saiya.

Salmo 3:3

Alagad ika, Kagurangnan, an sakong kalasag; sakuyang kamurawayan asin kagtao nin kosog.

Salmo 48:3

An Dios nagpapahiling na sa laog kan mga bantayan siya an pailihan.

Salmo 89:20

Ginibo kong hade si David na sakuyang sorogoon, sa paagi nin paglahid saiya kan banal na lana.

Salmo 89:24

An sakong kaimbodan asin danay na pagkamoot mapapasaiya, sa ngaran ko ipagbabantog an kosog niya.

Salmo 89:26

Masabi siya sako, ‘Ika an sakuyang Ama, sakuyang Dios, asin an Gapo nin sakuyang kaligtasan!’

Salmo 89:29

Papadanayon ko an saiyang kapagarakian nin mga hade sagkod lamang; an saiyang kahadean magdadanay siring sa kalangitan.

Salmo 89:36

An saiyang kapagarakian nin mga hade magdadanay sagkod lamang; babantayan ko an saiyang kahadean sagkod na nagliliwanag an aldaw.

Salmo 91:2

makakasabi sa Kagurangnan, “Ika an sakong pailihan, sakong bantayan; sakuyang Dios, na sakong sinasarigan.”

Jeremias 30:9

Embes kaiyan, maglilingkod sinda sako, an Kagurangnan na saindang Dios, saka sa sarong kapagarakian ni David, na patutukawon ko bilang hade.

Kapahayagan 11:15

Dangan pinatanog kan ikapitong anghel an saiyang trompeta, asin may mga makosog na tingog sa langit na nagsabi, “An kahadean kan kinaban nagin kahadean kan satong Kagurangnan asin kan saiyang Cristo; maghahade siya sagkod pa man!”