2 Samuel 22:49 - Marahay na Bareta Biblia

⁴⁹ asin ilinigtas niya ako sa sakuyang mga kaiwal. Kagurangnan, pinapanggana mo ako laban sa sakuyang mga kaiwal, asin ilinigtas mo ako sa mga madahas na tawo.

2 Samuel 22:49 ပူးပေါင်းရင်းမြစ်များ

2 Samuel 18:31

Dangan nag-abot an oripon na taga Sudan asin nagsabi sa hade, “Dara ko an marahay na bareta para sa mahal na hade! Pinapanggana ka ngunyan na aldaw nin Kagurangnan laban sa gabos na nagrebelde saimo!”

2 Samuel 5:12

Kaya nasabotan ni David na ibinugtak na siya nin Kagurangnan bilang hade nin Israel, asin pinapauswag nin Kagurangnan an saiyang kahadean para sa banwaan nin Israel.

Salmo 140:1

Ligtasan ako, Kagurangnan, sa mga maraot na tawo; ingati ako sa mga tulisan.

Salmo 140:4

Likayan ako, Kagurangnan, sa kamot kan mga tampalasan; ingati ako sa mga tulisan na naghuhumot na ako mapadungkal.

Salmo 18:48

asin ilinigtas niya ako sa sakuyang mga kaiwal. Kagurangnan, pinapanggana mo ako tumang sa sakuyang mga kaiwal, asin ilinigtas mo ako sa mga madahas na tawo.

Salmo 44:5

Huli saimo nadadaog mi an mga kaiwal, natitimaktimakan mi sinda huli kan saimong ngaran.

Salmo 52:1

O dakulang tawo, tadaw ta ipinaghahambog mo an saimong karatan, na ginibo mo tumang sa tawong banal?

Mga Bilang 24:7

Magkakaigwa sinda nin abundang uran. Asin itatanom ninda an saindang banhi sa matubig na kaomahan! An saindang hade magigin mas makosog ki Agag, Asin an kahadean ninda ilalangkaw.

1 Samuel 2:8

Binubuhat niya an mga dukha hale sa alpog asin an mga nangangaipo hale sa tambak nin abo. Pinapatukaw niya sinda sa kaibahan nin mga prinsipe, asin ibinubugtak sa mga lugar na iginagalang. Huli ta an mga harigi kan kinaban sadiri nin Kagurangnan; asin sa ibabaw kaiyan itinugdok niya an kinaban.