2 Samuel 22:48 - Marahay na Bareta Biblia

⁴⁸ Tinawan niya ako nin kapangganahan laban sa sakong mga kalaban; pinasakop niya sako an mga nasyon

2 Samuel 22:48 ပူးပေါင်းရင်းမြစ်များ

2 Samuel 18:19

Dangan nagsabi ki Joab si Ahimaaz, an aking lalaki ni Zadok, “Tugote akong magdalagan asin magdara kan marahay na bareta sa hade na ilinigtas siya nin Kagurangnan sa saiyang mga kaiwal.”

2 Samuel 18:31

Dangan nag-abot an oripon na taga Sudan asin nagsabi sa hade, “Dara ko an marahay na bareta para sa mahal na hade! Pinapanggana ka ngunyan na aldaw nin Kagurangnan laban sa gabos na nagrebelde saimo!”

2 Samuel 4:8

Dinara ninda an payo ki Hadeng David duman sa Hebron. Nagsabi sinda, “Uya an payo ni Isboset, an aki kan saimong kaiwal na si Saul na boot gumadan saimo. Itinugot nin Kagurangnan na makabalos ngunyan na aldaw an sakong hade ki Saul asin sa saiyang kapagarakian.”

Salmo 110:1

An Kagurangnan nagtaram sa sakong kagurangnan, “Tumukaw ka sa too ko, sagkod na an mga kaiwal mo gibohon kong tungtongan kan mga bitis mo.”

Salmo 144:2

Siya an danay kong pagkamoot, an sakong parasurog, sakong pailihan asin paraligtas, an kalasag na sakong sinasarigan. Dinadaog niya an mga nasyon na sakop ko.

Salmo 94:1

Kagurangnan, ika sarong Dios na nagpapadusa; pahilingan an saimong kaanggotan!

1 Corinto 15:25

Huli ta dapat maghade si Cristo sagkod na an gabos niyang kaiwal ibugtak nin Dios sa irarom kan saiyang mga bitis.

Deuteronomio 32:35

An Kagurangnan an mabalos asin mapadusa sainda; maabot an panahon nin saindang pagkapadungkal; harani na an panahon nin saindang pagkagadan.

1 Samuel 24:12

Hukoman logod kita nin Kagurangnan kun siisay sato an may sala! Padusahan ka logod nin Kagurangnan huli kan ginibo mo sako; alagad dai ako matumang saimo.

1 Samuel 25:30

Kun gibohon na an mga bagay na ini nin Kagurangnan na ipinanuga niya saimo, asin kun gibohon ka na niyang hade nin Israel,

1 Samuel 25:39

Kan mabaretaan ni David na gadan na si Nabal, nagsabi siya, “Pag-omawon an Kagurangnan! Siya an nagbalos ki Nabal huli kan pag-insulto niya sako asin ilinikay ako nin Kagurangnan sa pagkasala. Pinadusahan nin Kagurangnan si Nabal huli kan karatan na ginibo niya.” Dangan nagpatogon si David ki Abigail na boot niya ining magin agom.