2 Samuel 22:43 - Marahay na Bareta Biblia

⁴³ Rinonot ko sindang pino arog sa alpog kan daga, tinimak-timakan ko sinda siring sa laboy sa mga tinampo.

2 Samuel 22:43 ပူးပေါင်းရင်းမြစ်များ

2 Samuel 7:9

Inibahan taka saen ka man nagduman, asin dinaog ko an gabos mong kaiwal mantang nagdadangadang ka. Gigibohon kong magin bantog an saimong ngaran, arog kan ngaran kan mga darakulang lider sa kinaban.

2 Mga Hade 13:7

Mayo na nin natadang hukbo si Jehoahaz kundi an singkwentang lalaki na nakakabayo, sampolong karwahe asin dyes mil na soldados, huli ta an iba ginadan kan hade nin Siria, na tinimaktimakan niya siring sa alpog.

Salmo 18:42

Rinonot ko sinda, kaya nagin sindang arog sa alpog na ipinapadpad kan doros; tinimaktimakan ko sinda siring sa laboy sa mga tinampo.

Salmo 35:5

Magin arog logod sinda sa ata na ipinapadpad kan doros, mantang linalamag sinda kan anghel nin Kagurangnan!

Isaias 10:6

Isinusubol ko an Asiria sa pagsalakay kan mga bakong diosnon na nasyon, mga banwaan na nagpaanggot sakuya. Isinusubol ko sinda tanganing manamsam, manghabon, asin magtimaktimak sa mga banwaan na garo laboy sa mga tinampo.”

Isaias 26:15

Alagad, pinadakula mo an samong nasyon, Kagurangnan; pinahiwas mo an mga pagdolonan kaiyan, asin iyan an nagdara saimo nin kamurawayan.

Isaias 41:2

“Siisay an nagdara kan parasakop hale sa sirangan, asin nagtataong kapangganahan saiya saen man siya magduman? Siisay an nagtatao saiya nin kapangganahan laban sa mga hade saka sa mga nasyon? Sa wasiwas kan saiyang espada, nagkakawararak sindang garo alpog, asin huli kan saiyang mga bosog, nagkakawararak sindang arog sa dagaming ipinapalid kan doros.

Isaias 41:25

“Nagpili na ako nin sarong lalaki na nag-eerok sa sirangan; pinapasalakay ko siya hale sa amihan. Tinitimaktimakan niya an mga pamayo na garo sinda laboy, siring kan paragibo nin koron na nagtitimaktimak kan laboy.

Daniel 2:35

Naronot tolos an lansang, laboy, bronse, plata saka bulawan asin nagin siring sa alpog sa ginikan kun tig-init. Ipinalid iyan kan doros, asin mayo nin natada kaiyan. Alagad an gapong tuminama sa estatwa nagin sarong dakulang bukid na nakapano sa bilog na daga.

Mikas 7:10

Dangan mahihiling iyan kan samong mga kaiwal asin mawawaraan sinda nin onra—an parehong mga kaiwal na nag-olog-olog samo sa pagsabing, “Haen an Kagurangnan na saindong Dios?” Mahihiling mi sindang daog, na tinitimaktimakan arog sa laboy sa mga tinampo.

Zacarias 10:5

Magigin mapanggana an banwaan nin Juda arog sa mga soldados na nagtitimaktimak kan saindang mga kaiwal sa laboy kan mga tinampo. Makikilaban sinda huli ta kaiba ninda an Kagurangnan, asin dadaogon ninda maski an mga kaiwal nindang parakabayo.

Zacarias 2:6

Tinaraman nin Kagurangnan an saiyang banwaan, “Iwinarak ko kamo sa gabos na direksyon, alagad dumulag kamo hale sa Babilonia asin bumalik kamo sa Jerusalem.

Malakias 4:1

Nagsasabi an Kagurangnan nin mga hukbo, “Nagdadangadang an aldaw na susuloon siring sa dagami an gabos na mapaabaw-abaw saka mga maraot na tawo. Sa aldaw na iyan, matututong sinda, asin mayo nin matatada sa sainda.

Lukas 21:24

An iba magagadan sa gera, asin an iba dadarahon bilang mga bihag sa gabos na nasyon; rurumpagon kan mga pagano an Jerusalem sagkod na maotob an panahon ninda.

Deuteronomio 32:26

Gabos kuta sinda sakong gagadanon tanganing sa sainda mayo nang makagiromdom.