2 Samuel 22:31 - Marahay na Bareta Biblia

³¹ An Dios na ini—marahayon an mga gibo! An saiyang mga panuga totoong masasarigan! Siya an kalasag nin gabos na minapaataman saiya.

2 Samuel 22:31 ပူးပေါင်းရင်းမြစ်များ

2 Samuel 22:3

An sakong Dios, gapo na sakong pailihan; siya an sakong kalasag, sakong katabang, sakong bantayan, sakong paraligtas; ilinigtas niya ako sa kadahasan.

Nehemias 9:8

Nahiling mo na maimbod siya saimo, kaya nakipagtipan ka saiya. Nanuga ka saiya na itatao mo sa saiyang kapagarakian an daga kan mga Cananeo, mga Heteo, mga Amoreo, mga Pereseo, mga Jebuseo, asin mga Gergeseo. Inotob mo an saimong panuga, huli ta ika matanos.

An Libro ni Job 34:10

“Kaya dangoga nindo ako, kamong mga lalaking may pakasabot! Magibo daw an Makakamhan na Dios nin karatan?

Salmo 119:140

Nabalo nang gayo an saimong panuga, asin namomotan iyan kan saimong sorogoon.

Salmo 12:6

Masasarigan an mga panuga nin Kagurangnan; siring sa purong plata, na sa horno pitong beses lininigan.

Salmo 145:17

An Kagurangnan matanos sa gabos niyang mga palakaw, maheherakon sa gabos niyang gibo.

Salmo 18:30

An Dios na ini—marahayon an mga gibo! An saiyang mga panuga totoong masasarigan! Siya an kalasag nin gabos na minapaataman saiya.

Salmo 2:7

Ihahayag ko an dekreto nin Kagurangnan: Nagtaram siya sako, “Ika an sakuyang aki, ngunyan na aldaw nagin ama mo ako.

Salmo 35:2

An saimong kalasag asin armas kuahon mo, asin madya, tabangan mo ako.

Salmo 84:9

Bendisyonan mo an samong hade, O Dios; an hade na saimong pinili.

Salmo 91:4

Tatahoban ka niya kan saiyang mga pakpak; magigin ligtas ka sa saiyang pangataman; iingatan ka asin susurogon kan saiyang kaimbodan.

Mga Talinhaga 30:5

“Inootob nin Dios an lambang panuga na saiyang ginibo. Siya an kalasag kan gabos na nagpapaili saiya.

Parahulit 3:14

Aram kong nagdadanay sagkod pa man an gabos na ginibo nin Dios; dai iyan madudugangan o maiinaan. Ginibo niya iyan tanganing sa atubang niya magkatarakot an mga tawo.

Daniel 4:34

“Pakalihis nin pitong taon,” an sabi kan hade, “nagtingkalag ako sa langit, asin nagbalik sako an sakong kaisipan. Inomaw ko an Kahorohalangkaweng Dios asin nagtao ako nin paggalang saka kamurawayan sa saiya, na nabubuhay sagkod lamang. “Maghahade siya sagkod lamang, asin magdadanay an saiyang kahadean sa gabos na panahon.

Daniel 4:37

“Ngunyan, ako, si Nebukadnezzar, nag-oomaw, naggagalang, asin nagpapamuraway sa Hade nin Langit. Tama saka matanos an gabos niyang ginigibo, asin pwede niyang ibaba an siisay man na nagpapalangkaw.”

Mateo 5:48

Kaya magpakamatanos kamo sa gabos na bagay, arog kan saindong langitnon na Ama, na matanos sa gabos na bagay.

Deuteronomio 32:4

“An Kagurangnan an saindong paraligtas, sa gabos niyang gibo, matanos asin mayong kakulangan. Dios na maimbod asin mayong karatan; matanos siya asin banal.

Kapahayagan 15:3

Inaawit ninda an awit ni Moises na sorogoon nin Dios, asin an awit kan Kordero: “Dakula asin makangangalas an saimong mga gibo, O Kagurangnan, Dios na Makakamhan! Matanos asin totoo an saimong mga dalan, O Hade nin mga nasyon!