2 Samuel 22:3 - Marahay na Bareta Biblia

³ An sakong Dios, gapo na sakong pailihan; siya an sakong kalasag, sakong katabang, sakong bantayan, sakong paraligtas; ilinigtas niya ako sa kadahasan.

2 Samuel 22:3 ပူးပေါင်းရင်းမြစ်များ

Genesis 15:1

Pakatapos kan mga pangyayaring ini, nagtaram an Kagurangnan ki Abram sa sarong bisyon, “Dai ka matakot, Abram. Ako an saimong kalasag; dakula nin marahay an saimong magigin premyo.”

2 Samuel 22:31

An Dios na ini—marahayon an mga gibo! An saiyang mga panuga totoong masasarigan! Siya an kalasag nin gabos na minapaataman saiya.

2 Samuel 22:47

An Kagurangnan buhay! Pag-omawon an sakong parasurog! Irukyaw an sakong Dios, an gapo nin sakong kaligtasan.

2 Samuel 22:49

asin ilinigtas niya ako sa sakuyang mga kaiwal. Kagurangnan, pinapanggana mo ako laban sa sakuyang mga kaiwal, asin ilinigtas mo ako sa mga madahas na tawo.

2 Samuel 22:51

Darakulang panggana itinatao niya sa saiyang hade; danay na pagkamoot an ipinapahiling niya sa saiyang linahidan, ki David asin sa kapagarakian kaini sagkod pa man.

2 Samuel 23:3

Nagtaram an Dios nin Israel; an Gapo nin Israel nagtaram sako: “An hade na nagsasakop na may katanosan, na nagsasakop na may pagkatakot sa Dios,

Salmo 14:6

Dai pinapangyari kan mga tampalasan an mga plano kan dukha, alagad an Kagurangnan iyo an saiyang pailihan.

Salmo 140:1

Ligtasan ako, Kagurangnan, sa mga maraot na tawo; ingati ako sa mga tulisan.

Salmo 140:11

An paralibak dai logod mapamugtak sa daga; abotan logod nin karatan asin magadan an mga tulisan.

Salmo 140:4

Likayan ako, Kagurangnan, sa kamot kan mga tampalasan; ingati ako sa mga tulisan na naghuhumot na ako mapadungkal.

Salmo 142:4

Nagkiling ako sa too ko, alagad mayo nin matabang sako. Mayo nin masurog sako, mayo nin nagmamakulog sako.

Salmo 144:2

Siya an danay kong pagkamoot, an sakong parasurog, sakong pailihan asin paraligtas, an kalasag na sakong sinasarigan. Dinadaog niya an mga nasyon na sakop ko.

Salmo 18:2

An Kagurangnan iyo an sakong parasurog; sakong pailihan, sakong paratubos. An sakong Dios, gapo na sakong pailihan; sakong kalasag, sakong katabang, sakong bantayan.

Salmo 27:5

Sa panahon nin kasakitan sasangkoban niya ako; tatagoon niya sa laog kan saiyang Templo asin ibubugtak sa ibabaw nin sarong halangkaw na gapo.

Salmo 28:7

Sakong kosog asin kalasag an Kagurangnan; puso ko siya an sinasarigan. Puso ko nag-oogma ta ako tinabangan; bilang pasalamat siya sakong inaawitan.

Salmo 3:3

Alagad ika, Kagurangnan, an sakong kalasag; sakuyang kamurawayan asin kagtao nin kosog.

Salmo 32:7

Ika an sakong lugar na tagoan; iliniligtas mo ako sa kasakitan. Makosog akong nag-aawit kan saimong kaligtasan, huli ta ako saimong iniingatan.

Salmo 46:1

An Dios satong pailihan asin kosog, danay na andam sa pagtabang sa panahon nin kasakitan.

Salmo 46:11

Nasa sato an Makakamhan na Kagurangnan; an Dios ni Jacob an satong pailihan.

Salmo 46:2

Kaya dai kita matatakot maski maliwat an daga, maski mahulog sa irarom kan dagat an kabukidan;

Salmo 46:7

An Makakamhan na Kagurangnan kaibahan nyato; satong pailihan an Dios ni Jacob.

Salmo 5:12

Benebendisyonan mo an matanos, Kagurangnan; kalasag nindang pantahob an saimong pagkamoot.

Salmo 55:9

Raota an saindang mga plano, Kagurangnan; libonga an saindang mga pagtaram; huli ta nahihiling ko sa syudad an kadahasan asin karibokan.

Salmo 59:16

Alagad aawiton ko an saimong kosog; sa pagkaaga aawiton ko an danay mong pagkamoot sa makosog na tingog. Huli ta ika nagin sarong bantayan para sako, sarong pailihan sa panahon nin sakong kasakitan.

Salmo 61:3

huli ta ika an pailihan ko, sarong pusog na bantayan tumang sa mga kaiwal ko.

Salmo 71:7

Ako nagin ngangalasan para sa kadaklan, alagad ika an masarig kong pailihan.

Salmo 72:14

An saindang buhay tinutubos niya sa kaapihan asin sa kadahasan; an saindang dugo mahalaga para saiya.

Salmo 84:11

An Kagurangnan iyo an samong parasurog asin mamurawayon na hade; benebendisyonan niya kami nin karahayan asin onra. Karahayan dai niya isasayuma sa mga naggigibo nin matanos.

Salmo 84:9

Bendisyonan mo an samong hade, O Dios; an hade na saimong pinili.

Salmo 86:14

O Dios, nagtirindog tumang sako an mga mapaabaw-abaw; boot akong gadanon kan mga tampalasan, mga tawo na habong maghinanyog saimo.

Salmo 9:10

An mga nakakamidbid saimo, Kagurangnan, magsasarig saimo; huli ta dai mo binabayaan an mga naghahanap saimo.

Salmo 9:9

An Kagurangnan sarong pailihan para sa mga inaapi; sarong pailihan sa panahon nin kasakitan.

Exodo 15:2

An Kagurangnan an sakong kosog asin awit, siya an sakong kaligtasan; siya an sakong Dios, kaya sakong oomawon; Dios nin sakong ama, kaya sakong papalangkawon.

Mga Talinhaga 18:10

An Kagurangnan arog sa sarong pusog na tore, na pwedeng dumanan kan matanos asin magin ligtas.

Mga Talinhaga 30:5

“Inootob nin Dios an lambang panuga na saiyang ginibo. Siya an kalasag kan gabos na nagpapaili saiya.

Isaias 12:2

An Dios an sakong kaligtasan; magsasarig ako saiya asin dai matatakot, huli ta an Kagurangnan Dios iyo an sakong kosog asin awit; siya an sakong nagin kaligtasan.”

Isaias 32:2

An lambang saro sa sainda makakaagid sa sarong lugar na pailihan sa doros asin sa sarong lugar na matatagoan kun igwa nin bagyo. Makakaarog sinda sa mga salog na nagbubulos sa desyerto, siring sa lindong nin sarong dakulang gapo sa lugar na mayo nin anoman na masisirongan.

Isaias 45:21

Madya asin daraha nindo an saindong kaso sa hukoman; tugoteng magpaharapot-hapot an mga isinumbong. Siisay kaidto an naghula kun ano an mangyayari? Bakong ako, an Kagurangnan, an Dios na nagliligtas kan saiyang banwaan? Pwera sako mayo na nin ibang dios.

Jeremias 16:19

Kagurangnan, ika an nag-iingat sako asin nagtataong kosog; tinatabangan mo ako sa panahon nin kasakitan. Hale sa mga poro kan kinaban madolok saimo an mga nasyon saka masabi, “An mga dios kan samong mga ginikanan gabos mayong halaga.

Jeremias 16:9

Ako an Kagurangnan nin mga hukbo, an Dios nin Israel; hinanyoga an sakong sasabihon: Paoontokon ko sa lugar na ini an mga tingog nin kaogmahan asin kagayagayahan saka an maogmang tingog kan mga bagong kasal. An pagkaotob kan mga bagay na ini mahihiling kan mga tawo digdi.

Lukas 1:47

an sakong kalag nag-oogma sa Dios na sakong Paraligtas;

Lukas 1:69

Nagpadara siya sato nin sarong mapangyaring Paraligtas, sarong gikan ki David na saiyang sorogoon.

Lukas 1:71

na ililigtas niya kita sa satong mga kaiwal, asin sa kapangyarihan kan mga naoongis sato.

Deuteronomio 32:37

Dangan hahapoton nin Kagurangnan an saiyang banwaan, ‘Haen na an saindong mga dios-dios na saindong sinarigan?

Deuteronomio 32:4

“An Kagurangnan an saindong paraligtas, sa gabos niyang gibo, matanos asin mayong kakulangan. Dios na maimbod asin mayong karatan; matanos siya asin banal.

Deuteronomio 33:29

Paladan ka, O Israel! Mayo nin arog saimo, banwaan na ilinigtas nin Kagurangnan. Siya iyo an kalasag kan saimong tabang, an saimong espada nin kapangganahan. Madolok asin makikimaherak saimo an mga kaiwal, alagad sinda saimong titimaktimakan.

Tito 3:4

Alagad kan ihayag an karahayan asin an pagkamoot nin Dios na satong Paraligtas,

Tito 3:6

Nagsusupay na itinao sato nin Dios an Espiritu Santo sa paagi ni Jesu-Cristo na satong Paraligtas,

Hebreyo 2:13

Sinasabi pa niya, “Mananarig ako sa Dios.” Dangan, “Uya ako kaiba kan kaakian na itinao sako nin Dios.”

1 Samuel 2:1

Namibi si Hanna: “An sakong puso nag-oogma sa Kagurangnan; maogma ako huli kan saiyang ginibohan! Mga kaiwal sakong ngingisihan; maogma akong marahay huli kan saiyang tabang!

1 Samuel 2:2

“Mayong arog kabanal ki sa Kagurangnan; mayo nin siisay man, kundi siya sana, mayong parasurog na arog sa satong Dios.