2 Samuel 22:29 - Marahay na Bareta Biblia

²⁹ Ika, Kagurangnan, an sakong ilaw; asin pinapaliwanag nin sakong Dios an sakong kadikloman.

2 Samuel 22:29 ပူးပေါင်းရင်းမြစ်များ

2 Samuel 21:17

Alagad tinabangan si David ni Abisai na aking lalaki ni Zeruias, sinalakay an higante, asin ginadan. Dangan pinasumpa si David kan saiyang mga tawohan na, “Dai ka na nanggad mag-iba samo sa pakilaban. Ika an paglaom nin Israel, asin habo ming mawara ka.”

1 Mga Hade 11:36

Alagad an sarong tribu itatao ko sa saiyang aking lalaki, tanganing danay akong igwa nin sarong kapagarakian kan sorogoon kong si David na naghahade sa Jerusalem, an syudad na pinili ko tanganing bugtakan kan sakong ngaran.

An Libro ni Job 29:3

kan an saiyang ilaw iyo an nagliliwanag kan ako naglakaw sa kadikloman;

Salmo 112:4

An ilaw minaliwanag sa kadikloman para sa mga marahay na tawo, para sa mga maheherakon, maboot asin matanos.

Salmo 18:28

Kagurangnan, tinatawan mo ako nin liwanag; hinahale mo an sakong diklom.

Salmo 27:1

An Kagurangnan iyo an sakong ilaw asin kaligtasan; siisay an sakong matatakotan? An Kagurangnan iyo an pailihan nin sakong buhay; sa kiisay ako matatakot?

Salmo 4:6

Dakul an nagsasabi, “Makahiling logod kami nin mga karahayan! Hilinga kami na may pagkaherak, O Kagurangnan!”

Salmo 84:11

An Kagurangnan iyo an samong parasurog asin mamurawayon na hade; benebendisyonan niya kami nin karahayan asin onra. Karahayan dai niya isasayuma sa mga naggigibo nin matanos.

Salmo 97:11

Ilaw minaliwanag sa mga matanos asin kaogmahan sa mga malinig an puso.

Isaias 50:10

Kamo gabos na may pagkatakot sa Kagurangnan asin nagkukuyog sa tataramon kan saiyang sorogoon, madiklom man an dalan na saindong linalakawan, alagad magsarig kamo sa Kagurangnan, maglaom kamo sa Dios.

Mikas 7:9

Nagkasala kami sa Kagurangnan, kaya kaipuhan tioson mi sa kadikit na panahon an saiyang kaanggotan. Alagad susurogon niya giraray kami asin babaloson an mga nagkasala samo. Dadarahon niya kami sa liwanag; mahihiling nyamo an pagligtas niya samo.

Malakias 4:2

Alagad sa saindo na nagkukuyog sa sako, masirang sa saindo arog kan aldaw an sakong nakakaligtas na kapangyarihan, asin magdadara iyan nin kaomayan arog kan saldang kan aldaw. Magigin talingkas asin maogma kamo siring sa mga ogbon nin baka na pinaluwas sa toril.

Juan 12:46

Nagdigdi ako bilang ilaw sa kinaban, tanganing an mga minatubod sako dai magdanay sa kadikloman.

Juan 8:12

Nagtaram giraray si Jesus sa mga tawo, “Ako an ilaw kan kinaban. An minasunod sako magkakaigwa kan ilaw nin buhay asin dai na siya maglalakaw sa kadikloman.”

Kapahayagan 21:23

Dai na kaipuhan kan syudad an liwanag kan aldaw o kan bulan, huli ta an kamurawayan nin Dios iyo an liwanag kaiyan dangan an Kordero iyo an ilaw.