2 Samuel 22:14 - Marahay na Bareta Biblia

¹⁴ An Kagurangnan nagdaguldol sa kalangitan; asin nadangog an tingog kan Kahorohalangkawe.

2 Samuel 22:14 ပူးပေါင်းရင်းမြစ်များ

An Libro ni Job 40:9

Makosog ka daw arog sa sako? Makakadaguldol daw an saimong tingog siring kakosog kan sakong tingog?

Exodo 19:6

Kamo magigin kahadean nin mga padi asin sarong banal na nasyon para sa sako. Ini an itaram mo sa mga Israelita.”

Isaias 30:30

Ipapadangog nin Kagurangnan sa gabos an saiyang mapangyaring tingog asin ipapamate niya an kosog kan saiyang kaanggotan. Magkakaigwa nin kalayo, kikilat, pag-uran nin yelo, saka makosog na uran.

Ezekiel 10:5

An ribok kan pakpak kan mga kerubin nadangog sagkod sa patyong nasa luwas. An tanog garo arog kan tingog kan Makakamhan na Dios.

Kapahayagan 11:19

Dangan nabuksan an templo nin Dios sa langit, kaya nahiling an Kaban nin Tipan nin Dios. Nagkaigwa nin mga kikilat, hagubohob, daguldol, linog saka makosog na uran nin yelo.

Hukom 5:20

An mga bitoon sa langit nakilaban, mantang naglilibot sa kaitaasan; si Sisera saindang linabanan.

1 Samuel 2:10

Magkakaturunaw an mga kaiwal nin Kagurangnan; laban sainda, madaguldol siya sa kalangitan. An Kagurangnan an mahukom sa bilog na kinaban; tatawan niya nin kosog an saiyang hade, ilalangkaw niya an kapangyarihan kan saiyang pinili.”

1 Samuel 7:10

Mantang idinodolot ni Samuel an atang, nagpadagos sa pagsalakay an mga Filisteo; alagad nagdaguldol sa makosog na tingog an Kagurangnan laban sa mga Filisteo kan aldaw na idto. Nagkarilibong sinda asin nagdurulag sa takot.