2 Samuel 21:7 - Marahay na Bareta Biblia

⁷ Alagad huli kan banal na panuga na ginibo ninda ni Jonatan sa lambang saro, ilinigtas ni David an aki ni Jonatan na si Mefiboset, na makoapo ni Saul.

2 Samuel 21:7 ပူးပေါင်းရင်းမြစ်များ

2 Samuel 16:4

Sinabihan kan hade si Ziba, “Poon ngunyan, saimo na an gabos na pagsadiri ni Mefiboset.” Nagsimbag si Ziba, “Sorogoon mo ako; padagos mo logod akong mawilihan, Mahal na hade.”

2 Samuel 19:25

Pag-abot ni Mefiboset hale sa Jerusalem sa pagsabat sa hade, sinabihan siya kan hade, “Tano ta dai ka nag-iba sako, Mefiboset?”

2 Samuel 4:4

Si Jonatan na aking lalaki ni Saul igwa nin aking lalaki na an ngaran Mefiboset. Limang taon pa sana an edad niya kan magadan si Saul asin si Jonatan. Kan an bareta manongod kan saindang pagkagadan mag-abot hale sa syudad nin Jezreel, an aki kinua tolos kan paraataman asin nagdulag; sa kasibotan, nabutasan niya an aki na ikinapilay kaini.

2 Samuel 9:1

Sarong aldaw, naghapot si David, “Igwa pa daw nin natatada sa pamilya ni Saul? Kun igwa, boot kong ipahiling saiya an sakong pagkaherak huli ki Jonatan.”

2 Samuel 9:10

Ika, an saimong mga aking lalaki, asin an saimong mga sorogoon iyo an mag-aataman kan daga para ki Mefiboset asin dadarahon mo saiya an ani, tanganing magkakan an saiyang pamilya. Alagad si Mefiboset danay na magkakakan sa sakong lamesa.” (Kinse an aking lalaki ni Ziba asin beynte an saiyang mga sorogoon.)

2 Samuel 9:6

Kan mag-abot si Mefiboset na aking lalaki ni Jonatan asin makoapo ni Saul, nagduko siya sa atubangan ni David sa pagtaong galang. Nagsabi si David, “Mefiboset!” Nagsimbag si Mefiboset, “Uya an saimong sorogoon.”

2 Samuel 9:7

Sinabihan siya ni David, “Dai ka matakot; huli ta maheherakan taka huli ki Jonatan na saimong ama. Ibabalik ko saimo an gabos na daga na dating sadiri kan saimong lolo na si Saul, asin digdi ka magkakakan sa sakong lamesa.”

Parahulit 8:2

Kuyogon mo an pagboot kan hade asin dai ka maghidali sa paggibo nin panuga sa Dios.

1 Samuel 18:3

Nagsumpa si Jonatan kan saiyang daing tapos na pakikitood ki David huli ta namotan niya si David siring kan pagkamoot niya sa saiyang sadiri.

1 Samuel 20:12

dangan nagsabi si Jonatan ki David, “An Kagurangnan, an Dios nin Israel, an satong magin saksi! Sa siring kaining oras sa aga o sa masunod na aldaw, hahapoton ko an sakong ama. Kun marahay an pagmate niya manongod saimo, mapasugo ako saimo.

1 Samuel 20:15

ipahiling mo logod an saimong pagkadayupot sa sakong pamilya sagkod pa man. Sa panahon na gadanon nin Kagurangnan an gabos mong kaiwal,

1 Samuel 20:17

Pinasumpa giraray ni Jonatan si David na mamotan siya, huli ta namotan niya si David siring kan pagkamoot niya sa saiyang sadiri.

1 Samuel 20:42

Dangan sinabihan ni Jonatan si David, “Lakaw sa katoninongan, nin huli ta nanuga an lambang saro sato sa ngaran nin Kagurangnan, na an satong mga panuga ootobon ta asin nin satong mga kapagarakian sagkod lamang.” Dangan naghale si David asin nagbalik si Jonatan sa banwa.

1 Samuel 20:8

Kaya nakikimaherak ako saimo, na otobon mo an banal mong panuga sako. Alagad kun igwa akong kasalan, ika na mismo an gumadan sako! Tano ta kaipuhan pang darahon mo ako sa saimong ama?”

1 Samuel 23:18

Dangan naggibo sindang duwa nin tipan sa atubangan nin Kagurangnan. Pakatapos, nagpuli sa saiyang harong si Jonatan, alagad nagpawalat si David sa Hores.

1 Samuel 24:22

Nagsumpa si David. Dangan nagpuli si Saul, asin nagbalik man si David saka an saiyang mga kairiba sa saindang lugar na pinagtatagoan.