2 Samuel 21:6 - Marahay na Bareta Biblia

⁶ Kaya itao mo samo an pito kan saiyang mga lalaking kapagarakian, asin sa atubangan nin Kagurangnan, bibitayon mi sinda sa Gibeon, sa sadiring banwa ni Saul, an piniling hade nin Kagurangnan.” Nagsimbag an hade, “Itatao ko sinda saindo.”

2 Samuel 21:6 ပူးပေါင်းရင်းမြစ်များ

Genesis 40:19

Pakalihis nin tolong aldaw, papaluwason ka digdi kan hade asin papupugotan ka! Dangan ipapabitay niya an saimong bangkay sa sarong kahoy asin kakakanon kan mga gamgam an saimong laman.”

Genesis 40:22

alagad ipinagadan niya an panadero. Nangyari an gabos siring sa sinabi ni Jose.

2 Samuel 17:23

Kan mahiling ni Ahitofel na dai sinunod an saiyang hatol, kinamaderohan niya an saiyang asno dangan nagpuli sa sadiring syudad. Kan maasikaso na niya an gabos na dapat gibohon, naghugot siya. Ilinubong siya sa lulubngan kan saiyang pamilya.

2 Samuel 18:10

Nahiling si Absalom kan saro kan mga tawohan ni David asin ibinareta ini ki Joab, “Nahiling kong nabibitay si Absalom sa hamurawon na kahoy!”

2 Samuel 19:28

An gabos na kaayon sa pamilya nin sakong ama maninigo kutanang gadanon kan mahal na hade, alagad ipinag-iba mo ako sa mga nagkakarakan sa saimong lamesa. Mayo akong deretso na maghagad pa nin ibang karahayan sa mahal na Hade.”

1 Mga Cronica 12:3

An mga soldados na ini pinamamayohan ni Ahiezer asin Joas, na mga aking lalaki ni Semaa na taga Gibea. Iyo ini an mga soldados: si Jeziel asin Pelet na mga aking lalaki ni Azmavet si Beraca asin Jehu na mga taga Anatot si Ismaias na taga Gibeon, sarong bantog na soldados asin saro kan mga lider kan “An Treynta” si Jeremias, Jahaziel, Johanan, asin Jozabad na mga taga Gedera si Eluzai, Jerimot, Bealias, Semarias, asin Sefatias na mga taga Harif si Elkana, Issias, Azarel, Joezer, asin Jasobeam na mga kaayon sa kamaganakan ni Kora si Joela asin Zebadias na mga aking lalaki ni Jeroham na taga Gedor.

Esdras 6:11

Ipinagboboot ko man na an siisay man na magsalungat sa pagboot na ini, sarong kahabaan na kahoy an tatangkason hale sa saiyang harong, papanasan an sarong poro kan kahoy na iyan dangan itutusok sa saiyang hawak. An saiyang harong gigibohon na sarong tambakan nin ati.

Mateo 27:5

Inapon ni Judas sa Templo an kwarta saka naghale siya dangan nagbitay.

Mga Gibo 13:21

Kan maghagad sinda nin hade, itinao sainda nin Dios si Saulo, an aking lalaki ni Kis na gikan sa tribu ni Benjamin. Kwarentang taon na naghade sainda si Saulo.

Deuteronomio 21:22

“Kun an sarong tawo ginadan huli ta siya sarong kriminal, asin an saiyang bangkay binitay sa kahoy,

Josue 10:26

Ginadan ni Josue an limang hade asin binitay an saindang mga bangkay sa limang kahoy sa bilog na maghapon.

Josue 8:29

Binitay niya sa kahoy an hade kan Ai asin binayaan duman an bangkay sagkod sa hapon. Pagsolnop kan aldaw, ipinababa niya an bangkay asin ipinatapok sa may trangkahan kan syudad. An bangkay tinambakan ninda nin mga gapo na mahihiling pa duman sagkod ngunyan.

1 Samuel 10:1

Dangan kinua ni Samuel an laogan kan lana nin oliba asin inulaan sa payo si Saul. Hinadokan ni Samuel si Saul dangan sinabihan, “An Kagurangnan an naglahid saimo bilang hade kan saiyang banwaan na Israel. Paghahadean mo an saiyang banwaan asin ililigtas sa saindang mga kaiwal. Ini an magigin tanda para saimo na an Kagurangnan an nagpili saimo na magin hade kan saiyang banwaan:

1 Samuel 10:24

Sinabihan ni Samuel an mga tawo, “Uya an lalaking pinili nin Kagurangnan! Mayo nin siisay man sato na makakaarog saiya.” Dangan nagkurahaw an gabos na tawo, “Mabuhay an hade!”

1 Samuel 10:26

Nagpuli man si Saul sa harong niya sa Gibea, asin inibahan siya nin nagkapirang maiisog na lalaki na an mga puso hiniro nin Dios.

1 Samuel 11:4

Kan an mga sinugo makaabot sa Gibea, sa pinag-eerokan ni Saul, inosip ninda sa mga tawo an bagay na ini, kaya naghiribi an mga tawo.

1 Samuel 24:21

Kaya magsumpa ka sako sa ngaran nin Kagurangnan na dai mo gagadanon an sakong kapagarakian, tanganing dai malingawan an sakong ngaran asin an ngaran kan sakong pamilya.”

1 Samuel 24:22

Nagsumpa si David. Dangan nagpuli si Saul, asin nagbalik man si David saka an saiyang mga kairiba sa saindang lugar na pinagtatagoan.