2 Samuel 21:16 - Marahay na Bareta Biblia

¹⁶ Sarong higante na an ngaran Isbibenob, na may darang bronseng garod na tolo may kabangang kilo an gabat asin sarong bagong espada, an naghona na magagadan niya si David.

2 Samuel 21:16 ပူးပေါင်းရင်းမြစ်များ

Genesis 14:5

Sa ikakatorseng taon, ginera asin dinaog ni Kedorlaomer patin kan saiyang kaapil na mga hade an mga Refaim kan Asterot-karnaim, an mga Zuzim duman sa Ham, an mga Emim sa kapatagan nin Kiriataim,

Genesis 6:4

Sa mga aldaw na idto asin sa mga nagsunod pang panahon, nagkaigwa nin mga higante sa kinaban. An mga ini an nagin aki kan mga aking babae kan mga tawo asin kan mga aki nin Dios; sinda an mga bantog saka makokosog na mga tawo kan enot na panahon.

2 Samuel 21:18

Pakatapos kaini, nagkaigwa na naman nin gera laban sa mga Filisteo sa Gob; sa ralaban na ini, nagadan ni Sibbecai na taga Husa si Saf, na saro sa mga kapagarakian kan mga higante.

2 Samuel 21:20

Dangan nagkaigwa pa nin sarong gera sa Gat, sa lugar na igwa nin sarong higante na anom an muro sa lambang kamot asin sa lambang bitis; mga higante man an saiyang ginikanan.

2 Samuel 21:22

An apat na higanteng ini, na ginaradan ni David saka kan saiyang mga tawohan, gabos gikan sa mga higante sa Gat.

2 Samuel 5:18

Nag-abot an mga Filisteo asin naglakop sinda sa Kapantayan nin Refaim.

Mga Bilang 13:22

Nagduman ngona sinda sa habagat na parte kan daga nin Canaan dangan sa Hebron, saen nag-eerok an mga kamaganakan ni Ahiman, ni Sesai asin ni Talmai, an kapagarakian kan sarong rasa nin mga higante na inaapod Anakim. (Pinatindog an Hebron mga pitong taon bago mapatindog an Zoan sa Egipto.)

Mga Bilang 13:28

Alagad mapangyari an mga nag-eerok duman. Darakula an saindang mga syudad sagkod matitibay an mga kudal. Laen pa kaiyan nahiling mi man an kapagarakian kan mga higante.

Deuteronomio 1:28

Tano na magduman kita? Tinakot kita kan satuyang mga sinugo na nagsasabing darakula saka haralangkaw ki sa sato an mga tawo duman, asin nag-eerok sinda sa mga syudad na an kudal abot sa langit. Nakahiling sinda nin mga higante duman!’

Deuteronomio 2:10

An nag-erok sa Ar kaidto iyo an mga Emim. Dakul sinda nin marahay asin darakula arog sa mga Anakim, na saro man na rasa nin mga higante.

Deuteronomio 2:11

Arog kan mga Anakim, inapod man sindang Refaim, alagad Emim an apod sainda kan mga Moabita.

Deuteronomio 2:21

Dakul sindang marahay asin darakula arog sa mga Anakim. Alagad ginadan sinda nin Kagurangnan tanganing an mga Ammonita iyo na an mag-erok sa lugar ninda.

Deuteronomio 3:11

An hadeng si Og iyo an natada sa mga Refaim. An saiyang kabaong, na gibo sa lansang, igwa nin sukol na haros duwang metro an lakbang asin apat na metro an laba sosog sa kinaugalean na sukol. Yaon pa ini sagkod ngunyan sa syudad nin Rabba sa daga kan mga Ammonita.)

Deuteronomio 9:2

Haralangkaw saka makokosog an mga tawo duman; mga higante sinda asin nadangog na nindo na mayong makakadaog sainda.

Josue 11:22

Mayo nin natada sa mga Anakim sa daga nin Israel; alagad sa Gaza, Gat asin Asdod, igwa nin natadang nagkapira.

Josue 15:14

Pinahale ni Caleb sa syudad an tolong aking lalaki ni Anak: si Sesai, Ahiman, asin Talmai.

1 Samuel 17:7

na an tugod nakakaarog sa harigi nin habolan, asin an tarom na lansang may gabat na syete kilos. Nasa enotan niya an paradara kan saiyang kalasag.