2 Samuel 21:14 - Marahay na Bareta Biblia

¹⁴ Dangan ilinubong ninda an mga tolang ni Saul asin ni Jonatan sa Zela sa daga ni Benjamin, sa lulubngan ni Kis na ama ni Saul; ginibo ninda an gabos na ipinagboot kan hade. Pakatapos kaini, sinimbag nin Dios an saindang mga pamibi para sa nasyon.

2 Samuel 21:14 ပူးပေါင်းရင်းမြစ်များ

2 Samuel 21:13

Kinua ni David an mga tolang ni Saul saka ni Jonatan asin tinipon man niya an mga tolang kan pitong lalaking binitay.

2 Samuel 24:25

Dangan nagpatindog si David nin altar para sa Kagurangnan asin nagdolot nin mga tinutong na atang saka mga dolot para sa katoninongan. Sinimbag nin Kagurangnan an saiyang pamibi, asin naontok an peste sa Israel.

2 Samuel 3:32

Ilinubong si Abner sa Hebron, asin makosog na nagtangis an hade sa lulubngan ni Abner; nagtangis man an gabos na tawo.

2 Samuel 4:12

Pinagbotan ni David an saiyang mga tawohan asin ginadan ninda si Recab saka si Baana. Pinutol ninda an mga kamot saka mga bitis kan duwa, dangan binitay sa harani kan sapa sa Hebron. Alagad kinua ninda an payo ni Isboset asin ilinubong sa lulubngan ni Abner duman sa Hebron.

Jonas 1:15

Dangan binuhat ninda si Jonas asin itinapok sa dagat; tolos na nagkalma ini.

Zacarias 6:8

Dangan kinurahawan ako kan anghel, “Pinakulpa na an kaanggotan kan Kagurangnan kan mga kabayong nagduman sa Babilonia sa amihan.”

Mga Bilang 25:13

An pagkapadi magdadanay saiya asin sa saiyang kapagarakian huli ta ipinahiling niya an saiyang kaimbodan sa saiyang Dios, asin binayadan niya an kasalan kan mga tawo.”

Mga Bilang 25:8

Sinunod niya an lalaking may darang babae sa tolda asin tinuhog niya kan garod an duwa. Huli kaini uminontok an peste sa Israel,

Josue 18:28

Zela, Haelef, Jebus, (o Jerusalem), Gibea, asin Kiriat-jearim: katorseng syudad gabos, kaiba an mga banwa sa palibot kan mga iyan. Iyo ini an daga na itinao bilang pamana sa mga pamilya kan tribu ni Benjamin.

Josue 7:26

dangan tinambonan nin gapo. Yaon pa ngunyan an dakulang tambak nin gapo. Kaya sagkod ngunyan, an lugar inapod Kapantayan nin Acor. Dangan nahale an kaanggotan nin Kagurangnan.

1 Samuel 10:2

Paghale mo digdi ngunyan, masasabat mo an duwang lalaki sa may lulubngan ni Rachel sa Zelza sa daga ni Benjamin. Sasabihan ka ninda na nakua na an mga asno na saimong hinahanap; nahahadit an saimong ama bako nang para sainda kundi para saimo, asin padagos na naghahapot, ‘Ano an gigibohon ko manongod sa sakong aki?’