2 Samuel 20:9 - Marahay na Bareta Biblia

⁹ Sinabihan ni Joab si Amasa, “Komusta, tugang ko?” Kinapotan kan toong kamot ni Joab an barabas ni Amasa tanganing hadokan siya.

2 Samuel 20:9 ပူးပေါင်းရင်းမြစ်များ

2 Samuel 15:5

Kun minadolok ki Absalom an lalaki tanganing magtao saiya nin galang, inuunat ni Absalom an saiyang kamot, kinakapotan an lalaki dangan hinahadokan.

2 Samuel 17:25

Si Amasa an ibinugtak ni Absalom na pamayo kan hukbo embes na si Joab. Si Amasa, aking lalaki ni Jeter na Ismaelita; an saiyang ina iyo si Abigail na aki ni Nahas asin tugang ni Zeruias na ina ni Joab.)

2 Samuel 18:29

Naghapot an hade, “Marahay daw an kamugtakan kan hoben na si Absalom?” Nagsimbag si Ahimaaz, “Mahal na hade, kan sinugo ako ni Joab na saimong opisyal nakahiling ako nin dakulang kariribokan, alagad dai ko masasabi kun ano idto.”

2 Samuel 3:27

Pag-abot ni Abner sa Hebron, isiniblag siya ni Joab sa may trangkahan, na garo boot kaolayon sa hilom, asin duman binuno siya ni Joab sa tulak. Kaya ginadan si Abner huli ta ginadan niya an tugang ni Joab na si Asahel.

1 Mga Hade 2:32

Papadusahan siya nin Kagurangnan huli ta ginadan niya an duwang lalaking orog na matanos ki sa saiya, si Abner na pamayo kan hukbo nin Israel, asin si Amasa na pamayo kan hukbo nin Juda. Ginadan niya an duwang ini na dai nakakaaram an sakong ama na si David.

Salmo 55:21

An saiyang mga tataramon mahalnas pa ki sa mantika, alagad gera an nasa puso niya; an saiyang mga tataramon malumoy pa ki sa lana, alagad matarom siring sa espada.

Mga Talinhaga 26:23

An magayon na pagtaram na nagtatahob nin madayang puso garo makintab na pintura sa baratong tapayan.

Mga Talinhaga 27:6

May karahayan an hampak nin maimbod na katood ki sa hadok nin kaiwal.

Jeremias 41:2

binulnot ni Ismael asin kan sampolo niyang kairiba an saindang mga espada dangan ginadan si Gedalias.

Mikas 7:2

Mayo na minsan sarong onestong tawo sa daga, mayo maski sarong maimbod sa Dios. An gabos naghahalat kan tamang panahon tanganing manggadan. An lambang saro naghahanap kan saiyang kapwa tanganing gadanon.

Hukom 3:15

Dangan nag-agrangay an mga Israelita sa Kagurangnan kaya nagsugo an Kagurangnan nin sarong lalaki na maligtas sainda. Siya si Ehud, sarong walahon na lalaki na aki ni Gera, na gikan sa tribu ni Benjamin. Sinugo si Ehud kan banwaan nin Israel pasiring ki Hadeng Eglon kan Moab dara an mga regalo para sa hade.