2 Samuel 20:6 - Marahay na Bareta Biblia

⁶ Kaya sinabihan si Abisai kan hade, “Orog na kulog nin payo an itatao sato ni Sheba ki sa ki Absalom. Ipag-iba mo an sakong mga tawohan asin lamagon mo siya, ta tibaad may masakop siyang pusog na mga banwa asin makadulag sato.”

2 Samuel 20:6 ပူးပေါင်းရင်းမြစ်များ

2 Samuel 10:14

Kan nahiling kan mga Ammonita na nagdurulag an mga Siro, nagdurulag man sinda ki Abisai asin naglaog sa saindang syudad. Kaya nag-ontok si Joab sa pakikilaban sa mga Ammonita asin nagbalik sa Jerusalem.

2 Samuel 11:11

Nagsimbag si Urias, “Nasa gera an kalalakihan nin Israel saka Juda, asin an Kaban nin Tipan yaon sa kaibahan ninda; an sakong pamayo na si Joab, siring man an saiyang mga opisyal nagkakampo sa kahiwasan. Mapuli daw ako sa sakong harong tanganing magkakan, mag-inom, asin magdorog sa sakong agom? Sa ngaran kan gabos na banal, isinusumpa ko na dai ko iyan magigibo!”

2 Samuel 18:12

Alagad nagsimbag ki Joab an lalaki, “Maski tawan mo pa ako nin sarong ribong plata, dai ko ibibikyaw an sakong kamot laban sa aking lalaki kan hade. Nadangog mi gabos an hade kan pagbotan ka niya, si Abisai, asin si Ittai, na dai nindo pagkulogan an hoben na si Absalom huli saiya.

2 Samuel 18:2

Pakatapos, isinubol niya sinda sa tolong grupo sa pamamahala ni Joab, ni Abisai na tugang na lalaki ni Joab asin ni Ittai na taga Gat. Sinabihan kan hade an saiyang mga tawohan, “Maiba ako saindo.”

2 Samuel 19:7

Kaya lakaw asin rangaha an saimong mga tawohan, huli ta isinusumpa ko sa ngaran kan buhay na Kagurangnan na kun dai mo iyan gibohon, mayo nin saro man sa mga tawohan mo an maiba saimo sa aga; iyan an pinakamaraot na mangyayari saimo sa bilog mong buhay.”

2 Samuel 2:18

Idtoon duman an tolong aking lalaki ni Zeruias na si Joab, Abisai, asin Asahel. Ining si Asahel marikas magdalagan siring sa sarong lalaw na usa.

2 Samuel 21:17

Alagad tinabangan si David ni Abisai na aking lalaki ni Zeruias, sinalakay an higante, asin ginadan. Dangan pinasumpa si David kan saiyang mga tawohan na, “Dai ka na nanggad mag-iba samo sa pakilaban. Ika an paglaom nin Israel, asin habo ming mawara ka.”

2 Samuel 23:18

Si Abisai, na tugang na lalaki ni Joab (an ina ninda iyo si Zeruias), iyo an pamayo kan “An Treynta.” Nakilaban siya sa paagi kan saiyang garod laban sa tolong gatos na kaiwal asin ginadan niya an mga ini, kaya nagin bantog siya arog kan “An Treynta.”

2 Samuel 3:30

Kaya binalos ni Joab asin ni Abisai si Abner huli ta ginadan niya an saindang tugang na si Asahel sa ralaban sa Gibeon.

2 Samuel 3:39

Maski ako an hade na pinili nin Dios, ako nanluluya ngunyan na aldaw. Sobra para sako an dahas kan mga aking lalaking ini ni Zeruias. Padusahan logod nin Kagurangnan an mga kriminal na ini sosog sa saindang karatan.”

1 Mga Hade 1:33

nagsabi an hade, “Ipag-iba nindo an sakong mga opisyal; pasakayon nindo an aki kong si Solomon sa sadiri kong mula asin ibahan nindo siya pasiring sa burabod nin Gihon.

1 Mga Cronica 11:20

Si Abisai, na tugang na lalaki ni Joab, iyo an pamayo kan “An Treynta.” Nakilaban siya sa paagi kan saiyang garod laban sa tres syentos na lalaki, asin ginadan niya an mga ini, kaya nagin bantog siya arog kan “An Tolo.”

1 Mga Cronica 18:12

Dinaog ni Abisai, na an ina iyo si Zeruias, an mga Edomita duman sa Kapantayan nin Asin, saka ginadan niya an dyes y otso mil na Edomita.

Jeremias 8:14

“Tadaw ta nagtutukaw kita asin dai naghihiro?” an hapot kan banwaan nin Dios. “Madya, magduruman kita sa pinapusog na mga syudad dangan duman kita magpagadan. Hinukoman na kita nin Kagurangnan na satong Dios tanganing magadan; itinao na niya an tubig na may hudong tanganing inomon nyato huli ta nagkasala kita saiya.

Markos 3:24

Kun an sarong kahadean nababanga, an kahadean na iyan dai magdadanay.

1 Samuel 26:6

Hinapot ni David si Ahimelec na Heteo, asin si Abisai na tugang ni Joab (an ina ninda iyo si Zeruias), “Siisay sa saindong duwa an maiba sako pasiring sa kampo ni Saul?” “Ako,” an simbag ni Abisai.