2 Samuel 20:21 - Marahay na Bareta Biblia

²¹ Bakong iyan an sakong plano. Alagad sarong lalaki na an ngaran Sheba, na aki ni Bikri asin hale sa mabulod na daga nin Efraim, an nagtumang ki Hadeng David. Isuko nindo siya, asin mahale na ako sa syudad na ini.” Nagsimbag an babae, “Itatapok mi sa ibong kan kudal an saiyang payo pasiring diyan.”

2 Samuel 20:21 ပူးပေါင်းရင်းမြစ်များ

2 Samuel 20:1

Nangyari na duman sa Gilgal, igwa nin sarong tawong mayo nin halaga na an ngaran Sheba, na aking lalaki ni Bikri, na gikan sa tribu ni Benjamin. Pinatanog niya an trompeta dangan nagkurahaw, “Mayo kaming kahirasan ki David; mayo kaming pamana hale sa aki ni Jesse! Mga Israelita, magpuruli na kita!”

2 Samuel 20:2

Kaya binayaan si David kan mga Israelita asin nag-iba ki Sheba, alagad padagos na nagin maimbod ki David an mga taga Juda; nagsunod sinda saiya poon sa Jordan sagkod sa Jerusalem.

2 Samuel 20:20

Nagsimbag si Joab, “Dai logod mangyari iyan sako na raoton o rumpagon ko an saindong syudad!

2 Samuel 23:18

Si Abisai, na tugang na lalaki ni Joab (an ina ninda iyo si Zeruias), iyo an pamayo kan “An Treynta.” Nakilaban siya sa paagi kan saiyang garod laban sa tolong gatos na kaiwal asin ginadan niya an mga ini, kaya nagin bantog siya arog kan “An Treynta.”

1 Mga Hade 11:26

An saro pang tawo na nagrebelde ki Solomon iyo an saro niyang opisyal, na si Jeroboam na aking lalaki ni Nebat, na taga Zereda nin Efraim. Saro nang balo an saiyang ina, na an ngaran si Zerua.

2 Mga Hade 10:7

Pakabasa ninda kan surat, ginadan ninda an setentang aking lalaki ni Ahab, ibinugtak an mga payo sa mga basket, asin ipinadara ki Jehu sa Jezreel.

2 Mga Hade 5:22

“Mayo man,” an simbag ni Gehazi. “Alagad sinugo ako kan sakong kagurangnan tanganing taraman ka na nag-abot pa sana an duwang kaayon sa grupo nin mga propeta hale sa mabulod na daga nin Efraim. Boot niya na tawan mo sinda nin tolong ribong pedaso nin plata asin duwang magayon na gubing.”

Jeremias 4:15

An mga sugo hale sa syudad nin Dan asin kabubuldan nin Efraim nagpapahayag kan maraot na bareta.

Jeremias 50:19

Ibabalik ko sa sadiri nindang daga an Israel. Kakakanon ninda an kakanon na nagtatalubo sa Bukid nin Carmelo saka sa rehiyon nin Basan. Kakakanon ninda an gabos na magustohan ninda sa mga tinanom na nagtatalubo sa mga teritoryo nin Efraim saka sa Gilead.

Josue 24:33

Nagadan man si Eleazar na aking lalaki ni Aaron asin ilinubong siya sa Gibea, an banwang nasa mabulod sa daga nin Efraim na itinao sa saiyang aking lalaki na si Finehas.

Hukom 2:9

Ilinubong siya sa saiyang kahirasan na daga duman sa Timnat-sera, sa mabulod na daga ni Efraim na nasa amihan kan Bukid nin Gaas.

Hukom 7:24

Nagpadara nin mga sugo si Gideon sa gabos na lugar kan mabulod na daga nin Efraim asin nagpasabi, “Magrulugsot kamo dangan makilaban sa mga Midianita. Hare nindo pagpabalyoha an mga kaiwal sa Salog nin Jordan sagkod sa mga sapa nin Bet-bara.” Kaya tiniripon an kalalakihan nin Efraim, asin binantayan ninda an Salog nin Jordan saka an mga sapa sagkod sa Bet-bara.

Hukom 9:55

Kan mahiling kan mga Israelita na gadan na si Abimelec, nagpuruli na sinda.

1 Samuel 24:6

Sinabihan niya an saiyang mga tawohan, “Ilikay logod ako nin Kagurangnan na makaginibo nin ano man na karatan laban sa sakong kagurangnan, an pinili nin Kagurangnan na magin hade! Kaipuhan dai ko siya pag-anohon maski kadikit, huli ta siya an piniling hade kan Kagurangnan!”

1 Samuel 26:9

Alagad nagsabi si David, “Dai mo siya paggadanon! Papadusahan nanggad nin Kagurangnan an siisay man na gumadan sa hade na saiyang pinili.