2 Samuel 20:20 - Marahay na Bareta Biblia

²⁰ Nagsimbag si Joab, “Dai logod mangyari iyan sako na raoton o rumpagon ko an saindong syudad!

2 Samuel 20:20 ပူးပေါင်းရင်းမြစ်များ

2 Samuel 20:10

Dai nahiling ni Amasa an espadang kapot ni Joab sa ibong na kamot, kaya nasaksak siya ni Joab sa tulak asin nawawa an saiyang bituka sa daga. Nagadan tolos si Amasa; dai na kaipuhan na saksakon pa siya giraray ni Joab. Linamag si Sheba ni Joab asin ni Abisai na tugang ni Joab.

2 Samuel 20:19

Bantog an samong syudad, saro kan pinakamatoninong asin maimbod na syudad sa Israel. Tadaw ta boot mong rumpagon ini? Tano ta boot mong raoton an pamana nin Kagurangnan?”

2 Samuel 20:21

Bakong iyan an sakong plano. Alagad sarong lalaki na an ngaran Sheba, na aki ni Bikri asin hale sa mabulod na daga nin Efraim, an nagtumang ki Hadeng David. Isuko nindo siya, asin mahale na ako sa syudad na ini.” Nagsimbag an babae, “Itatapok mi sa ibong kan kudal an saiyang payo pasiring diyan.”

2 Samuel 23:17

Nagsabi si David, “Kagurangnan, dai ko ini pwedeng inomon! Garo ko man sana ininom an dugo kan mga lalaking ini na nagbugtak kan saindang buhay sa pag-alaman!” Kaya dai ininom ni David an tubig. Iyo ini an mga ginibo kan tolong bantog na soldados.

An Libro ni Job 21:16

Naghohona sinda na nag-uswag sinda huli kan saindang kapagalan, alagad dai ko maaako an saindang kaisipan.

An Libro ni Job 22:18

Alagad an Dios an nagpayaman sainda— dai ko nanggad malaladop an kasisipan kan mga maraot.

Mga Talinhaga 28:13

An nagtatago kan saiyang mga kasalan dai nag-uuswag, alagad an nagkukumpisal saka nagbabaya kaiyan maheherakan nin Dios.

Jeremias 17:9

“Siisay an makakasabot kan puso nin tawo? Mayo nin ibang arog kaiyan kadaya; grabe na an helang kaiyan asin dai na maoomayan.

Lukas 10:29

Alagad, huli ta boot magpakamatanos an lalaki, hinapot niya giraray si Jesus, “Siisay an sakong kapwa?”