2 Samuel 20:2 - Marahay na Bareta Biblia

² Kaya binayaan si David kan mga Israelita asin nag-iba ki Sheba, alagad padagos na nagin maimbod ki David an mga taga Juda; nagsunod sinda saiya poon sa Jordan sagkod sa Jerusalem.

2 Samuel 20:2 ပူးပေါင်းရင်းမြစ်များ

2 Samuel 19:15

Sa pagbalik kan hade, sinabat siya sa Salog nin Jordan kan mga taga Juda, na nagduman sa Gilgal tanganing ibahan siya sa pagbalyo sa salog.

2 Samuel 20:1

Nangyari na duman sa Gilgal, igwa nin sarong tawong mayo nin halaga na an ngaran Sheba, na aking lalaki ni Bikri, na gikan sa tribu ni Benjamin. Pinatanog niya an trompeta dangan nagkurahaw, “Mayo kaming kahirasan ki David; mayo kaming pamana hale sa aki ni Jesse! Mga Israelita, magpuruli na kita!”

2 Samuel 20:21

Bakong iyan an sakong plano. Alagad sarong lalaki na an ngaran Sheba, na aki ni Bikri asin hale sa mabulod na daga nin Efraim, an nagtumang ki Hadeng David. Isuko nindo siya, asin mahale na ako sa syudad na ini.” Nagsimbag an babae, “Itatapok mi sa ibong kan kudal an saiyang payo pasiring diyan.”

2 Samuel 20:3

Pag-abot ni David sa saiyang palasyo sa Jerusalem, kinua niya an sampolo niyang kasaroan na winalat niyang mangataman kan palasyo. Linaom niya sinda sa sarong harong asin pinabantayan. Tinawan niya sinda kan saindang kaipuhan, alagad dai niya sinda dinorogan. Kaya nagdanay sindang garo mga balo sagkod na sinda magadan.

1 Mga Hade 12:20

Kan madangog kan bilog na Israel na nagbalik si Jeroboam hale sa Egipto, ipinaapod ninda siya sa katiriponan kan banwaan, asin ginibo siyang hade nin Israel. An tribu sana ni Juda an nagdanay na maimbod sa kapagarakian ni David.

2 Mga Cronica 10:17

Alagad pinaghadean ni Rehoboam an mga tawong nag-erok sa teritoryo nin Juda.

Salmo 62:9

An tawo siring sana sa sarong hinangos; dakula man o sadit, mayong halaga an gabos. Bugtakan sinda sa timbangan, asin mayo sinda nin gabat; mas magian pa sinda sa sarong hinangos.

Mga Talinhaga 17:14

An pagpoon nin ribok garo pagpabulos nin tubig; kaya ontokon iyan bago magdakula.

Mga Gibo 11:23

Pag-abot ni Bernabe duman, naogma siya nin marahay kan mahiling niya na kanigoan an bendisyon na itinao nin Dios sa mga tawo. Sinadol niya sinda gabos na magdanay na maimbod sa Kagurangnan.