2 Samuel 20:19 - Marahay na Bareta Biblia

¹⁹ Bantog an samong syudad, saro kan pinakamatoninong asin maimbod na syudad sa Israel. Tadaw ta boot mong rumpagon ini? Tano ta boot mong raoton an pamana nin Kagurangnan?”

2 Samuel 20:19 ပူးပေါင်းရင်းမြစ်များ

Genesis 18:23

Nagrani si Abraham sa Kagurangnan asin naghapot, “Ipapadagos mo mananggad an pagtunaw sa mga matanos kaiba kan mga maraot?

2 Samuel 14:16

Huli ta dadangogon niya ako asin ililigtas sa boot gumadan sako asin sa sakong aki tanganing mapara kami sa dagang itinao nin Dios sa saiyang banwaan.’

2 Samuel 17:16

Pakatapos, nagsabi si Husai, “Hidali kamong magpadara nin mensahe ki David na dai siya magpaaga sa sinasangahan kan salog sa kalangtadan, kundi magbalyo tolos siya, tanganing siya asin an saiyang mga tawohan dai madakop saka magadan.”

2 Samuel 20:18

Nagsabi an babae, “Nagin kaugalean nang sabihon ninda kaidto na, ‘Lakaw asin hanapa an saimong kasimbagan sa syudad nin Abel’—asin ginigibo mananggad ninda iyan.

2 Samuel 20:20

Nagsimbag si Joab, “Dai logod mangyari iyan sako na raoton o rumpagon ko an saindong syudad!

2 Samuel 21:3

Kaya inapod ni David an mga taga Gibeon asin sinabihan, “Ano an magigibo ko para saindo? Boot kong mabayadan an karatan na ginibo saindo, tanganing mabendisyonan nindo an banwaan nin Kagurangnan.”

1 Mga Hade 8:53

Isiniblag mo sinda hale sa gabos na banwaan sa daga, tanganing magin pamana mo, siring kan ipinahayag mo huli ki Moises na saimong sorogoon kan iluwas mo sa Egipto an samong mga ginikanan.”

Salmo 106:5

Mahiling ko logod an pag-uswag kan saimong mga pinili, tanganing makahiras ako sa kaogmahan kan saimong nasyon, tanganing magmuraway ako kaiba kan saimong pamana.

Salmo 124:3

buhay pa kutana kitang hinalon ninda, kan maglaad an saindang kaanggotan tumang sato;

Salmo 33:12

Paladan an nasyon na an Dios iyo an Kagurangnan, an banwaan na saiyang pinili bilang pamana niya.

Salmo 78:71

hale sa pag-ataman kan saiyang mga hayop, tanganing magin pastor ni Jacob na saiyang banwaan, nin Israel na saiyang pamana.

Jeremias 51:34

An Jerusalem binaak kan hade nin Babilonia dangan kinakan. Binayaan niya iyan na mayo nin laog arog sa sarong tapayan; arog siya sa sarong sawa na huminalon kaiyan. Kinua niya an saiyang nagustohan dangan itinapok an iba.

Jeremias 51:44

Papadusahan ko si Bel, an dios-dios nin Babilonia, asin ipapabalik ko sa saiya an mga hinabon niya; dai na nanggad masamba saiya an mga nasyon. “Narumpag na an mga kudal kan Babilon.

Mga Panambitan 2:16

An gabos mong kaiwal nag-olog-olog saimo nagtutuyatuya, asin nagpaparagot nin ngipon mantang nagkukurahaw, “Narumpag mi siya! Iyo ini an aldaw na satong pinagparahalat!”

Mga Panambitan 2:2

Mayo nin pagkaherak na rinaot nin Kagurangnan an lambang harong sa Juda; sa kaanggotan rinumpag niya an mga bantayan nin depensa kan daga. Dinarahan niya nin kasosopgan an kahadean asin an mga namamayo kaiyan.

Mga Panambitan 2:5

Arog sa sarong kaiwal, rinaot nin Kagurangnan an Israel. Rinaot niya an mga palasyo saka an mga bantayan; an kamondoan asin an panambitan kan mga taga Juda saiya pang dinagdagan.

Mga Bilang 16:32

asin hinalon sinda kaiba an saindang mga pamilya, an mga tawohan ni Kora sagkod an gabos nindang pagsadiri.

Mga Bilang 26:10

Nagbuka an daga dangan hinalon sinda. Nagadan sinda kaiba si Kora asin an mga kairiba niya kan masulo an dos syentos singkwentang kalalakihan; sinda nagin sarong patanid para sa mga tawo.

1 Corinto 15:54

Kun an malalapaon masanglean na kan bakong malalapaon, asin kun an magagadanon, masanglean na kan bakong magagadanon, maootob an kasuratan na nagsasabi: “Nadaog na an kagadanan; lubos na an kapangganahan!”

2 Corinto 5:4

Huli ta mantang yaon pa kita sa hawak tang daganon, nag-aagrangay kita sa kahaditan. Bakong huli ta boot tang mawara an hawak tang daganon, kundi boot tang maribayan na iyan nin hawak na langitnon, tanganing an magagadanon masanglean kan mayo nin kagadanan.

Deuteronomio 20:10

“Bago nindo salakayon an sarong syudad, alokon ngona nindo na magsuko an mga tawo duman.

Deuteronomio 32:9

Huli ta an kapagarakian ni Jacob saiyang pinili na magin saiyang sadiring kahirasan.

1 Timoteo 2:2

para sa mga hade asin sa iba pang mga awtoridad, tanganing mamuhay kitang matiwasay, matoninong, magalang sa Dios asin ginagalangan.

Hukom 5:7

Binayaan kan mga tawo an mga banwa nin Israel; nagharale sinda sagkod na umabot ka, O Debora, nagdatong na arog sa sarong ina para sa Israel.

1 Samuel 10:1

Dangan kinua ni Samuel an laogan kan lana nin oliba asin inulaan sa payo si Saul. Hinadokan ni Samuel si Saul dangan sinabihan, “An Kagurangnan an naglahid saimo bilang hade kan saiyang banwaan na Israel. Paghahadean mo an saiyang banwaan asin ililigtas sa saindang mga kaiwal. Ini an magigin tanda para saimo na an Kagurangnan an nagpili saimo na magin hade kan saiyang banwaan:

1 Samuel 26:19

Mahal na Hade, dangoga an sasabihon ko. Kun an Kagurangnan an nagpasabong saimo na labanan ako, pwedeng magbago an saiyang isip huli sa sarong dolot. Alagad kun mga tawo an kaggibo kaiyan, mapasainda logod an maldisyon nin Kagurangnan, huli ta pinahale ninda ako sa daga nin Kagurangnan asin pinaduman sa sarong daga saen mga dayuhan na dios an pwede ko sanang sambahon.