2 Samuel 20:16 - Marahay na Bareta Biblia

¹⁶ Dangan hale sa syudad, nagkurahaw an sarong madonong na babae, “Paghinanyog! Paghinanyog! Sabihi nindo na magdigdi si Joab; boot ko siyang makaolay.”

2 Samuel 20:16 ပူးပေါင်းရင်းမြစ်များ

2 Samuel 14:2

kaya ipinaapod niya an sarong madonong na babae na nag-eerok sa Tekoa. Pag-abot kan babae, sinabihan siya ni Joab, “Magsagin-sagin kang nagmomondo; magsulot ka kan saimong gubing na pangmondo, asin dai mo pagsukrayon an saimong buhok. Magsagin-sagin kang sarong babaeng halawig na panahon nang nagmomondo para sa gadan;

2 Samuel 20:17

Nagduman si Joab asin hinapot kan babae, “Ika si Joab?” “Iyo,” an simbag ni Joab. Dangan nagsabi an babae, “Dangoga an sasabihon ko.” Nagsimbag si Joab, “Nagdadangog ako.”

2 Samuel 20:22

Dangan nagduman an babae sa saiyang mga kahimanwa asin sinabihan sinda kan saiyang plano. Pinugotan ninda nin payo si Sheba asin itinapok an payo sa ibong kan kudal pasiring ki Joab. Kaya pinatanog ni Joab an trompeta bilang tanda para sa saiyang mga tawohan na maghale na sa syudad asin magpuli sa saindang mga harong. Nagbalik si Joab sa Jerusalem asin sa hade.

Daniel 2:14

Dangan nagduman si Daniel ki Ariok, an pamayo kan mga bantay kan hade, na iyo an pinagbotan na gumadan kan mga madonong sa Babilonia. Sa mga piling tataramon