2 Samuel 20:15 - Marahay na Bareta Biblia

¹⁵ Naaraman kan mga tawohan ni Joab na yaon si Sheba duman, kaya nagduman sinda asin pinalibotan ninda an syudad. Nagtambak sinda nin daga sa luwas kan kudal asin nagpoon na magkalot sa tangod kan kudal tanganing mapukan ini.

2 Samuel 20:15 ပူးပေါင်းရင်းမြစ်များ

2 Samuel 20:14

Inagihan ni Sheba an teritoryo kan gabos na tribu nin Israel pasiring sa syudad nin Abel Bet-maaca; nagtiripon an gabos na kaayon kan kamaganakan ni Bikri asin nagsunod saiya palaog sa syudad.

1 Mga Hade 15:20

Nag-oyon si Hadeng Ben-hadad sa alok ni Asa asin ipinadara niya an saiyang mga opisyal saka an saindang mga hukbo tanganing salakayon an mga syudad nin Israel. Nasakop ninda an Ijon, Dan, Abel-bet-maaca, an lugar na harani sa Danaw nin Galilea, asin an bilog na teritoryo nin Neftali.

2 Mga Hade 15:29

Sa panahon kan paghahade ni Peka, an Israel sinalakay ni Tiglat-pileser, an emperador nin Asiria, asin nasakop niya an Ijon, Abel-bet-maaca, Janoa, Kedes, Hazor, Gilead, saka Galilea asin an bilog na daga nin Neftali; an mga nag-eerok digdi dinara niyang bihag sa Asiria.

2 Mga Hade 19:32

“Ini an tataramon nin Kagurangnan manongod sa emperador nin Asiria: ‘Dai siya makakalaog sa syudad na ini, ni mapana nin sarong bosog laban digdi. Mayo nin mga may kalasag na soldados na marani sa syudad asin dai sinda makakatambak nin daga sa pagsalakay sa palibot kaini.

Parahulit 9:14

Igwa kaidto nin sarong sadit na syudad na kadikit sana an mga tawong nag-eerok. Dangan sarong mapangyaring hade an nagsalakay duman. Pinalibotan niya idto asin nag-andam na lagbason an mga kudal.

Isaias 37:33

“Iyo ini an sinabi kan Kagurangnan dapit sa emperador nin Asiria: ‘Dai siya makakalaog sa syudad na ini, ni makakapalayog nin bosog tumang digdi. Mayong soldados na may kalasag na makakarani sa syudad, ni makakatugdok nin sakatan sa palibot kaini.

Jeremias 32:24

“An mga taga Babilonia nagtambak na nin daga sa palibot kan syudad tanganing masakop ini, asin nagsasalakay na sinda. An syudad mahuhulog sa saindang kamot huli kan gera, gutom, asin peste. Nagkakatotoo na an gabos mong itinaram.

Jeremias 33:4

Ako, an Kagurangnan, an Dios nin Israel, nagsasabi na magagaba an mga harong sa Jerusalem saka an palasyo sa Juda bilang bunga kan pagpalibot saka pagsalakay kan mga kaiwal.

Jeremias 6:6

Pinagbotan kan Kagurangnan nin mga hukbo an mga hadeng ini na magpalod nin mga kahoy saka magtambak nin mga daga tanganing malaom ninda an Jerusalem. Nagtaram siya, “Papadusahan ko an Jerusalem huli ta syudad ini nin pang-aapi.

Ezekiel 4:2

Dangan, bilang pagladawan nin sarong pagsalakay, bugtakan mo nin mga trinsera asin tambakan mo nin daga an palibot kaiyan. Magpatindog ka nin mga kampo sa palibot kaiyan asin bugtakan mo nin mga trosong panrumpag nin kudal an palibot kaiyan.

Lukas 19:43

Huli ta maabot an panahon na papalibotan ka nin mga olang kan mga kaiwal mo, tatalikopan ka ninda asin lalaomon.