2 Samuel 20:13 - Marahay na Bareta Biblia

¹³ Pakatapos na mahale an bangkay sa dalan, nagsurunod an gabos ki Joab tanganing lamagon si Sheba.

2 Samuel 20:13 ပူးပေါင်းရင်းမြစ်များ

2 Samuel 20:1

Nangyari na duman sa Gilgal, igwa nin sarong tawong mayo nin halaga na an ngaran Sheba, na aking lalaki ni Bikri, na gikan sa tribu ni Benjamin. Pinatanog niya an trompeta dangan nagkurahaw, “Mayo kaming kahirasan ki David; mayo kaming pamana hale sa aki ni Jesse! Mga Israelita, magpuruli na kita!”

2 Samuel 20:11

Nagtindog an saro kan mga tawohan ni Joab asin nagkurahaw, “An gabos na kampi ki Joab asin ki David magsunod ki Joab!”

2 Samuel 20:14

Inagihan ni Sheba an teritoryo kan gabos na tribu nin Israel pasiring sa syudad nin Abel Bet-maaca; nagtiripon an gabos na kaayon kan kamaganakan ni Bikri asin nagsunod saiya palaog sa syudad.

2 Mga Hade 18:17

Huli kaini an Tartan, an Rabsaris asin an Rabsake kaiba an dakulang hukbo, sinugo kan emperador nin Asiria ki Ezekias duman sa Jerusalem. Pag-abot ninda sa Jerusalem, nagtindog sinda sa may kali na pinagbubulosan kan tubig hale sa itaas na sapa, sa dalan saen nagtatrabaho an mga paragibo nin tela.

Mga Talinhaga 16:17

An dalan kan matanos paharayo sa karatan; an nag-iingat sa paglakaw, nag-iingat man kan saiyang buhay.

Isaias 36:2

Dangan nagboot si Senakerib sa pinakahalangkaw niyang opisyal na magduman sa Jerusalem hale sa Lakis, kaiba an dakulang hukbo. Pinagbotan niya an opisyal na hagadon ki Hadeng Ezekias na sumuko. Nagtindog an opisyal sa dalan saen nagtatrabaho an mga paragibo nin tela, sa may kali na pinagbubulosan kan tubig hale sa itaas na sapa.

Isaias 62:10

Mga namamanwaan nin Jerusalem, lumuwas kamo sa syudad asin gumibo nin tinampo para sa saindong nagbabalik na kahimanwa! Andama nindo an sarong tinampo; haralea nindo an mga gapo! Magbugtak kamo nin sarong tanda nganing an mga nasyon makaaram

Isaias 7:3

Tinaraman nin Kagurangnan si Isaias, “Ipag-iba mo an aki mong lalaking si Sear-jasub, asin sabaton nindo si Hadeng Ahaz. Manunumpongan nindo siya sa dalan na pinagtatrabahoan kan mga paragibo nin tela, sa poro kan kali na binubulosan kan tubig hale sa itaas na tangke.

Jeremias 31:21

Magbugtak ka nin mga tanda sa saimong agihan; hanapa giraray an dalan na saimong linakawan. Magbalik ka, banwaan nin Israel, magbalik ka sa mga syudad na saimong binayaan.

Mga Bilang 20:19

Nagsabi an banwaan nin Israel, “Maagi nanggad sana kami sa Tinampo kan Hade. Kun kami o an samong mga hayop mag-inom kan tubig nindo, babayadan mi iyan. Makikiagi nanggad sana kami.”

Markos 10:46

Nag-abot si Jesus sa Jerico kaiba an mga disipulo niya asin an dakul na tawo. Kan naghahale na sinda duman, naagihan ninda an sarong makilimos na buta na nagtutukaw sa gilid kan dalan; siya si Bartimeo na aki ni Timeo.

Hukom 21:19

Dangan nagsabi sinda, “Harani na an taonan na pagselebrar kan pyesta nin Kagurangnan sa Shilo.” (An Shilo nasa amihan kan Betel, sa habagat nin Lebona, asin sa sirangan kan dalan sa pagultanan kan Betel asin Shekem.)

1 Samuel 6:12

Deretsong naglakaw an mga baka sa dalan na pasiring sa Bet-semes, nag-uungal mantang naglalakaw. Nagsunod sa kariton an limang hade kan mga Filisteo sagkod sa pagdolonan kan Bet-semes.