2 Samuel 20:12 - Marahay na Bareta Biblia

¹² An bangkay ni Amasa yaon sa tahaw kan dalan, nagkakarigos sa sadiring dugo. Kan mahiling kan tawohan ni Joab na minaontok an lambang saro na minaagi duman, ginuyod niya an bangkay pasiring sa oma dangan tinahoban nin tamong.

2 Samuel 20:12 ပူးပေါင်းရင်းမြစ်များ

2 Samuel 17:25

Si Amasa an ibinugtak ni Absalom na pamayo kan hukbo embes na si Joab. Si Amasa, aking lalaki ni Jeter na Ismaelita; an saiyang ina iyo si Abigail na aki ni Nahas asin tugang ni Zeruias na ina ni Joab.)

2 Samuel 2:23

Alagad dai nag-ontok si Asahel; kaya patalikod na isinaksak ni Abner an saiyang garod sa tulak ni Asahel, kaya luminagbas sa saiyang likod an garod. Gadan na buminagsak si Asahel sa daga, asin uminontok an gabos na nakaabot sa lugar na nagadanan ni Asahel.

2 Samuel 20:11

Nagtindog an saro kan mga tawohan ni Joab asin nagkurahaw, “An gabos na kampi ki Joab asin ki David magsunod ki Joab!”

2 Samuel 20:13

Pakatapos na mahale an bangkay sa dalan, nagsurunod an gabos ki Joab tanganing lamagon si Sheba.

Salmo 55:23

Alagad an mga paragadan asin mga madaya isusubol nin Dios sa saindang lulubngan, bago magkabangaan an mga aldaw nin saindang buhay. Alagad ika an sakong sasarigan.

Salmo 9:16

Nagpamidbid an Kagurangnan huli kan saiyang mga matanos na hatol; an mga maraot nagkasiriod kan sadiri nindang gibo.