2 Samuel 20:10 - Marahay na Bareta Biblia

¹⁰ Dai nahiling ni Amasa an espadang kapot ni Joab sa ibong na kamot, kaya nasaksak siya ni Joab sa tulak asin nawawa an saiyang bituka sa daga. Nagadan tolos si Amasa; dai na kaipuhan na saksakon pa siya giraray ni Joab. Linamag si Sheba ni Joab asin ni Abisai na tugang ni Joab.

2 Samuel 20:10 ပူးပေါင်းရင်းမြစ်များ

Genesis 4:8

Dangan sinabihan ni Cain si Abel, “Magduman kita sa kaomahan.” Kan yaon na sinda duman, ginadan ni Cain an saiyang tugang na si Abel.

2 Samuel 2:23

Alagad dai nag-ontok si Asahel; kaya patalikod na isinaksak ni Abner an saiyang garod sa tulak ni Asahel, kaya luminagbas sa saiyang likod an garod. Gadan na buminagsak si Asahel sa daga, asin uminontok an gabos na nakaabot sa lugar na nagadanan ni Asahel.

2 Samuel 20:9

Sinabihan ni Joab si Amasa, “Komusta, tugang ko?” Kinapotan kan toong kamot ni Joab an barabas ni Amasa tanganing hadokan siya.

2 Samuel 3:27

Pag-abot ni Abner sa Hebron, isiniblag siya ni Joab sa may trangkahan, na garo boot kaolayon sa hilom, asin duman binuno siya ni Joab sa tulak. Kaya ginadan si Abner huli ta ginadan niya an tugang ni Joab na si Asahel.

1 Mga Cronica 12:2

Kaayon sinda sa tribu ni Benjamin, na ginikanan man ni Saul. Mga parapana sinda, na pwedeng magpana asin maglagpitaw magin kan wala o kan toong kamot.

Jeremias 41:2

binulnot ni Ismael asin kan sampolo niyang kairiba an saindang mga espada dangan ginadan si Gedalias.

Mga Bilang 35:20

“Alagad kun sa kaongisan, hipaan nin sarong tawo an saiyang kapwa dangan ginadan niya sa paagi nin pagbuno o paggapo nin ano man saiya

Hukom 3:15

Dangan nag-agrangay an mga Israelita sa Kagurangnan kaya nagsugo an Kagurangnan nin sarong lalaki na maligtas sainda. Siya si Ehud, sarong walahon na lalaki na aki ni Gera, na gikan sa tribu ni Benjamin. Sinugo si Ehud kan banwaan nin Israel pasiring ki Hadeng Eglon kan Moab dara an mga regalo para sa hade.

Hukom 3:21

Binulnot ni Ehud kan wala niyang kamot an espadang iginakod niya sa too niyang tabay dangan sinaksak an hade sa tulak.

1 Samuel 26:8

Nagsabi si Abisai ki David, “Ngunyan na banggi, itinao nin Dios sa saimong kamot an saimong kaiwal. Tugote akong itadok si Saul sa daga kan saiya man sanang garod; saro sanang tusok asin dai na kaipuhan uliton pa!”