2 Samuel 20:1 - Marahay na Bareta Biblia

¹ Nangyari na duman sa Gilgal, igwa nin sarong tawong mayo nin halaga na an ngaran Sheba, na aking lalaki ni Bikri, na gikan sa tribu ni Benjamin. Pinatanog niya an trompeta dangan nagkurahaw, “Mayo kaming kahirasan ki David; mayo kaming pamana hale sa aki ni Jesse! Mga Israelita, magpuruli na kita!”

2 Samuel 20:1 ပူးပေါင်းရင်းမြစ်များ

Genesis 46:21

An mga aki ni Benjamin na si Bela, Beker, Asbel, Gera, Naaman, Ehi, Ros, Muppim, Huppim, asin Ard.

2 Samuel 15:10

Alagad nagpadara siya nin mga sugo sa gabos na tribu nin Israel tanganing magsabing, “Kun madangog nindo an tanog nin mga trompeta, magkurahaw kamong, ‘Hade na si Absalom sa Hebron!’”

2 Samuel 16:11

Dangan sinabihan ni David si Abisai asin an gabos niyang opisyal, “Kun boot ngani akong gadanon kan sakong aki, tadaw ta minangalas kamo sa Benjaminitang ini? Sinabihan siya nin Kagurangnan na maldisyonon ako, kaya pabayaan nindo siya na magmaldisyon sako.

2 Samuel 16:7

Minaldisyon siya ni Simei, “Layas! Layas! Paragadan! Mayo nin halagang tawo!

2 Samuel 18:17

Kinua ninda an bangkay ni Absalom asin ihinulog sa sarong hararom na kalot duman sa kadlagan dangan tinahoban ninda an kalot nin sarong dakulang tambak nin gapo. Nagdurulag an mga Israelita; an lambang saro sa saiyang harong.

2 Samuel 20:2

Kaya binayaan si David kan mga Israelita asin nag-iba ki Sheba, alagad padagos na nagin maimbod ki David an mga taga Juda; nagsunod sinda saiya poon sa Jordan sagkod sa Jerusalem.

2 Samuel 20:22

Dangan nagduman an babae sa saiyang mga kahimanwa asin sinabihan sinda kan saiyang plano. Pinugotan ninda nin payo si Sheba asin itinapok an payo sa ibong kan kudal pasiring ki Joab. Kaya pinatanog ni Joab an trompeta bilang tanda para sa saiyang mga tawohan na maghale na sa syudad asin magpuli sa saindang mga harong. Nagbalik si Joab sa Jerusalem asin sa hade.

2 Samuel 23:6

Alagad an mga mayong dios arog sa mga tonok na itinatapok; mayo saindang mangahas madodotdot.

1 Mga Hade 12:16

Kan mahiling kan mga tawo na habong maghinanyog sainda an hade, nagkurahaw sinda, “Ano an samong kahirasan ki David? Dai kami nin pamana sa aking lalaki ni Jesse. Bumalik kamo sa saindong mga tolda, O Israel! Atamana ngunyan an sadiri mong harong, O David.” Kaya nagbaralik sa saindang mga tolda an mga Israelita.

1 Mga Hade 21:10

Patukawon nindo sa atubangan niya an duwang mayong halagang mga tawo na masumbong nin siring laban saiya: ‘Minaldisyon ni Nabot an Dios saka an hade.’ Dangan iluwas nindo siya saka gapoon sagkod na magadan.”

2 Mga Cronica 10:16

Kan mahiling kan mga tawo na habong maghinanyog sainda an hade, nagkurahaw sinda, “Ano an samong kahirasan ki David? Dai kami nin pamana sa aking lalaki ni Jesse. Bumalik kamo sa saindong mga tolda, O Israel! Atamana ngunyan an sadiri mong harong, O David!” Kaya nagbalik sa saindang mga tolda an Israel.

2 Mga Cronica 10:6

Naghagad si Rehoboam nin hatol sa kamagurangan na naglingkod bilang mga parahatol sa saiyang ama na si Solomon. “Ano sa paghona nindo an dapat kong isimbag sa mga tawong ini?”

Salmo 17:13

Madya, Kagurangnan, atubanga asin daoga sinda! Sa mga maraot ligtasan ako kan saimong espada;

Salmo 34:19

Kadakul an tinitios kan matanos, alagad iliniligtas siya nin Kagurangnan sa mga iyan gabos.

Mga Talinhaga 25:8

Dai ka magmadali sa pagdara sa hukoman kan ano man na nahiling mo. Huli ta kun may magpatotoo na nasasala ka, ano an saimong gigibohon?

Mga Talinhaga 26:21

Nagdadanay na malaad an baga kun igwa nin oring, an kalayo kun igwa nin igatong, siring man an diriskutiran kun igwa nin nagpaparibok.

Markos 3:24

Kun an sarong kahadean nababanga, an kahadean na iyan dai magdadanay.

Lukas 19:14

Alagad ikinakaongis siya kan mga kahimanwa niya, kaya nagpadara sinda nin mga sugo tanganing magsabi, ‘Habo ming magin hade an tawong ini.’

Lukas 19:27

Dapit naman sa mga kaiwal kong habong mag-ako sako bilang hade, darahon nindo sinda digdi asin gadanon sa atubangan ko!’”

Juan 13:8

Nagsimbag si Simon Pedro, “Sagkod pa man dai ka mahanaw kan sakong mga bitis!” “Kun dai ko hanawan an mga bitis mo,” sabi ni Jesus, “Bako taka nang disipulo.”

Deuteronomio 13:13

na nagkapirang maraot na tawo an nagdagka sa mga nag-eerok sa banwa na magsamba sa mga dios-dios na dai pa lamang nindo sinamba kaidto,

Hukom 19:22

Mantang nag-oogma sinda, biglang pinalibotan an harong kan gurang nin nagkapirang marigsok na kalalakihan kan banwa, dangan tinubtob an pinto. Sinabihan ninda an gurang, “Paluwasa an lalaking kaiba mo pagpuli sa saimong harong tanganing madorogan mi siya!”

Hukom 3:27

Pag-abot niya duman sa mabulod na daga nin Efraim, pinatanog niya an trompeta tanganing apodon para sa pakilaban an kalalakihan nin Israel. Hale sa kabubuldan, pinangenotan niya sinda.

Ruth 2:3

Kaya nagduman si Ruth sa oma asin naglakaw sa hurihan kan mga paraani. Sinirot niya an mga trigo na nagkawaralat ninda. Nangyari na an nadumanan niyang oma sadiri ni Boaz.

1 Samuel 13:2

Nagpili si Saul nin tolong ribong kalalakihan sa Israel; kaiba niya sa Micmas an duwang ribo, asin an sangribo pinaiba niya sa aki niyang si Jonatan duman sa Gibea, sa teritoryo kan tribu ni Benjamin. An ibang mga lalaki pinapuruli ni Saul sa saindang mga harong.

1 Samuel 2:12

An mga aking lalaki ni Eli mga mayong ugale; dai ninda iginagalang an Kagurangnan

1 Samuel 30:22

Alagad an nagkapirang maisip asin mayong halagang mga lalaki na nag-iba ki David an nagsarabi, “Dai sinda maninigong tawan kan satong sinamsam, huli ta dai sinda nag-iba sato. Pwede nindang kuahon an saindang mga agom asin mga aki dangan makakahale na sinda.”