2 Samuel 2:7 - Marahay na Bareta Biblia

⁷ Magmakosog asin magmaisog kamo; gadan na si Saul na saindong hade, asin linahidan na ako kan mga taga Juda bilang saindang hade.”

2 Samuel 2:7 ပူးပေါင်းရင်းမြစ်များ

Genesis 15:1

Pakatapos kan mga pangyayaring ini, nagtaram an Kagurangnan ki Abram sa sarong bisyon, “Dai ka matakot, Abram. Ako an saimong kalasag; dakula nin marahay an saimong magigin premyo.”

2 Samuel 10:12

Magmaisog ka! Maigot kitang makilaban para sa satong banwaan asin para sa mga syudad nin satong Dios. Gibohon logod nin Kagurangnan an pinaghohona niyang marahay!”

2 Samuel 2:6

Kaherakan logod kamo nin Kagurangnan asin magin maimbod logod siya saindo. Gigibohan ko kamo nin marahay huli kan saindong ginibo.

2 Samuel 2:8

Si Abner na aking lalaki ni Ner asin pamayo kan hukbo ni Saul, nagdulag sa ibong kan Jordan pasiring sa Mahanaim, kaiba an aki ni Saul na si Isboset;

2 Samuel 5:3

Kaya nagduman ki Hadeng David sa Hebron an gabos na kamagurangan nin Israel. Nakipagtipan siya sainda sa atubangan nin Kagurangnan, asin linahidan ninda si David bilang hade nin Israel.

2 Mga Hade 11:12

Dangan ilinuwas ni Jehoiada si Joas, kinoronahan, saka tinawan kan kopya kan katogonan nin paghahade. Ginibo nindang hade si Joas; asin linahidan ini nin lana. Dangan nag-oropak an mga tawo saka nagkururahaw, “Mabuhay an hade!”

Nehemias 2:18

Dangan sinabihan ko sinda kun paano ako inibahan saka tinabangan nin Dios, asin kun ano an sinabi sako kan emperador. Nagsimbag sinda, “Poonan ta na an trabaho!” Kaya sinda nag-andam sa pagtrabaho.

1 Corinto 16:13

Magpuka kamo asin magdanay na masarig sa pagtubod; magmaigot kamo saka magmakosog.

Efeso 6:10

Sa kataposan, magin makosog kamo sa pakisumaro sa Kagurangnan, sa kosog kan saiyang kapangyarihan.

1 Samuel 31:12

nagduruman an mga maiisog na lalaki; bilog na banggi sindang nagralakaw pasiring sa Bet-san. Kinua ninda sa kudal an mga bangkay ni Saul asin kan saiyang mga aking lalaki. Dinara ninda idto sa Jabes, asin sinulo duman.

1 Samuel 31:7

Kan mahiling kan mga Israelita na nag-erok sa ibong kan Kapantayan nin Jezreel asin kan nasa sirangan kan Salog nin Jordan na duminulag an hukbo nin Israel, dangan nagadan si Saul pati an mga aking lalaki kaini, binarayaan ninda an saindang mga banwa asin nagdurulag. Nag-arabot an mga Filisteo asin nag-erok sinda sa mga banwang idto.

1 Samuel 4:9

Magmaisog kamo, mga Filisteo! Magpakalalaki kamo huli ta tibaad magin mga oripon kita kan mga Hebreyo, siring na sinda nagin mga oripon ta. Magpakalalaki kamo asin lumaban!”