2 Samuel 2:5 - Marahay na Bareta Biblia

⁵ nagpadara siya nin mga lalaki duman tanganing magsabi, “Bendisyonan logod kamo nin Kagurangnan huli kan pagpahiling nindo kan saindong kaimbodan sa saindong hade sa paglubong saiya.

2 Samuel 2:5 ပူးပေါင်းရင်းမြစ်များ

Genesis 14:19

Benendisyonan ni Melkizedek si Abram na an sabi, “Bendisyonan logod si Abram kan Kahorohalangkaweng Dios, na kaggibo kan langit asin daga!

Genesis 14:22

Nagsimbag si Abram, “Sa atubang nin Kagurangnan, an Kahorohalangkaweng Dios, kaggibo kan langit asin daga, minasumpa ako

2 Samuel 15:20

Halipot pa sanang panahon an pag-erok mo digdi, kaya tadaw ta ipag-iba taka sa paglagalag sa kaibahan ko mantang dai ko aram kun mapasaen ako? Balik kamo dangan ibahan an mga kahimanwa mo—asin ipahiling logod saimo nin Kagurangnan an danay na pagkamoot asin kaimbodan.”

2 Samuel 21:12

nagduman siya asin kinua niya sa mga taga Jabes sa Gilead an mga tolang ni Saul saka ni Jonatan na aki ni Saul. Sinda an naghabon kan mga bangkay ni Saul asin ni Jonatan na binitay kan mga Filisteo sa plasa nin Betsan kan aldaw na magadan ninda si Saul sa Bukid nin Gilboa.

Salmo 115:15

Bendisyonan logod kamo nin Kagurangnan, na naggibo kan langit asin kan daga!

Josue 2:14

Nagsabi saiya an mga lalaki, “Gadanon logod kami nin Dios kun dai mi gibohon an samong sinasabi. Kun dai ka mag-osip sa kiisay man kan samong ginigibo, nanunuga kami, na magigin marahay an pagtratar mi saimo kun itao na samo nin Kagurangnan an dagang ini.”

Hukom 21:8

Kan maghapot sinda kun igwang mga grupo sa mga tribu nin Israel na dai nagduman sa pagtiripon sa Mizpa, naaraman ninda na mayong nagduman hale sa Jabes sa Gilead,

Ruth 1:8

sinabihan niya an duwa, “Magpuli na kamo sa harong kan saindong mga ina. Magin marahay logod saindo an Kagurangnan siring na kamo nagin marahay sako sagkod sa mga nagadan.

Ruth 2:20

“Bendisyonan logod nin Kagurangnan si Boaz,” an olay ni Naomi. “Inootob nanggad nin Kagurangnan an saiyang mga panuga sa mga nabubuhay asin sa mga gadan.” Nagpadagos siya, “An tawong iyan harani ta pang kadugo; saro siya sa may katongdan na mag-ataman sato.”

Ruth 3:10

“Bendisyonan ka logod nin Kagurangnan,” an sabi ni Boaz. “Orog na kaimbodan sa pamilya an ipinahiling mo ngunyan ki sa ginibo mo sa saimong panugangan na babae. Pwede ka kutang maghanap nin hoben pang lalaki, mayaman man o dukha, alagad dai mo ginibo iyan.

1 Samuel 11:1

Pakalihis nin haros sarong bulan, pinangenotan ni Hadeng Nahas kan Ammon an saiyang hukbo asin sinalakay an banwaan nin Jabes sa teritoryo nin Gilead. Sinabihan si Nahas kan mga taga Jabes, “Makipagtipan ka samo, asin paglilingkodan mi ika.”

1 Samuel 11:9

Sinabihan ninda an mga sugo hale sa Jabes, “Sabihan nindo an saindong mga kahimanwa na sa aga bago mag-odto, ililigtas na sinda.” Pakadangog kan mga taga Jabes kan baretang ini, nagkaorogma sinda nin marahay

1 Samuel 15:13

Dinuman ni Samuel si Saul na nagsabi saiya, “Bendisyonan ka logod nin Kagurangnan, Samuel! Kinuyog ko an kabotan nin Kagurangnan.”

1 Samuel 23:21

Nagsimbag si Saul, “Bendisyonan logod kamo nin Kagurangnan huli ta naherak kamo sako!

1 Samuel 24:19

Huli ta kun makua na nin sarong tawo an saiyang kaiwal, pinapaligtas pa daw niya? Bendisyonan ka logod nin Kagurangnan huli kan ginibo mo sako ngunyan na aldaw!