2 Samuel 2:26 - Marahay na Bareta Biblia

²⁶ Dangan inapod ni Abner si Joab, “Kaipuhan daw na ipadagos ta an ralaban? Dai mo aram na magigin mapait an kataposan kaini? Sagkod nuarin bago mo paontokon an saimong mga tawohan sa paglamag sa saindang mga tugang?”

2 Samuel 2:26 ပူးပေါင်းရင်းမြစ်များ

2 Samuel 11:25

Sinabihan ni David an sinugo, “Siring kaini an sabihon mo ki Joab: ‘Dai mo dapat ikapurisaw an bagay na ini, huli ta dai mo naaaraman kun siisay an magagadan sa ralaban; dagdagan mo an saimong hukbo sa pagsalakay sa syudad asin sakopa iyan.’ Pakosoga an saiyang boot.”

2 Samuel 2:14

Nagsabi si Abner ki Joab, “Paglabanon ta an nagkapirang mga hoben.” “Sige,” an simbag ni Joab.

2 Samuel 2:16

Kinapotan kan lambang saro an payo kan saiyang kalaban dangan binuno sa hirog, kaya nagadan gabos an beynte y kwatrong nagralaban. Huli kaini, an lugar na idto sa Gibeon inapod “Oma nin mga Espada.”

2 Samuel 2:25

Nagtiripon giraray an kalalakihan kan tribu ni Benjamin sa pangenot ni Abner, asin nag-ontok sinda sa itaas nin sarong bulod.

2 Samuel 2:27

Nagsimbag si Joab, “Isinusumpa ko sa buhay na Dios, na kun dai ka nag-apod, ipapadagos kan sakong mga tawohan an paglamag saindo sagkod sa aga.”

An Libro ni Job 18:2

“Dai na daw maalo an mga tawong siring saimo, Job? Kun magdangog ka, pwede kitang mag-orolay.

An Libro ni Job 19:2

“Sagkod nuarin ako nindo papasakitan asin roronoton huli sa tataramon?

Salmo 4:2

Sagkod nuarin nindo ako sosopogon, O mga tawo? Sagkod nuarin nindo mamomotan an mayong halaga, asin hahanapon an kaputikan?

Mga Talinhaga 17:14

An pagpoon nin ribok garo pagpabulos nin tubig; kaya ontokon iyan bago magdakula.

Isaias 1:20

Alagad kun maghabo ka asin magrebelde, an espada an magadan saimo, huli ta ako, an Kagurangnan, an nagtaram.”

Jeremias 12:12

Hale sa gabos na kalangkawan nin desyerto nag-abot an mga lalaking mananamsam. Nagpadara ako nin gera tanganing raoton an bilog na daga; mayong makakapamuhay na matoninong.

Jeremias 2:30

Pinadusahan taka, alagad mayo ini nin ibinungang karahayan; habo mong sagweon taka. Arog kan maringis na leon, ginadan mo an saimong mga propeta.

Jeremias 4:21

Sagkod nuarin ko hihilingon an ralaban asin dadangogon an tanog kan mga trompeta?

Jeremias 46:10

An aldaw na iyan iyo an aldaw kan Kagurangnan Dios nin mga hukbo: an aldaw nin pagbalos niya sa saiyang mga kaiwal. An espada niya makakan sagkod na mabasog, saka iinomon kaini an saindang dugo. Huli ta idinodolot nin Kagurangnan Dios nin mga hukbo an saiyang mga ginadan sa amihan, sa may Salog nin Eufrates.

Jeremias 46:14

“Ipahayag mo ini sa mga banwa nin Egipto, sa Migdol, Memfis, saka sa Tafanhes: ‘Mag-andam kamo sa pagdepensa sa saindong sadiri, huli ta raraoton kan gera an gabos na yaon saindo!

Oseas 11:6

An gera madatong sa saindang syudad asin maraot kan saindang mga trangkahan. Magagadan sa gera an sakong banwaan huli ta ginigibo ninda an hinohona nindang tama.

Mga Gibo 7:26

Sunod na aldaw, nakahiling siya nin duwang Israelita na nag-iiwal. Pinaghingowa niyang husayon sinda, kaya nagsabi siya, ‘Magtugang kamo; tadaw ta nag-iiwal kamo?’