2 Samuel 2:18 - Marahay na Bareta Biblia

¹⁸ Idtoon duman an tolong aking lalaki ni Zeruias na si Joab, Abisai, asin Asahel. Ining si Asahel marikas magdalagan siring sa sarong lalaw na usa.

2 Samuel 2:18 ပူးပေါင်းရင်းမြစ်များ

2 Samuel 1:23

“Saul asin Jonatan, namomotan asin magayon! Sa buhay saka sa kagadanan, sinda magkaibahan; mas maliksi ki sa mga agila, mas makosog ki sa mga leon.

2 Samuel 14:1

Nahiling ni Joab na napupungaw nin marahay si David ki Absalom,

2 Samuel 2:19

Mayong saru-salingoy na linamag niya si Abner.

2 Samuel 22:34

Ginibo niya akong maingat sa paglakaw arog sa usa; pinangagin niya akong ligtas sa ibabaw nin kabukidan.

2 Samuel 23:24

An iba pang kaayon kan “An Treynta” iyo an minasunod: si Asahel na tugang ni Joab si Elhanan na aking lalaki ni Dodo na taga Betlehem si Samma asin Elika na taga Harod si Helez na taga Pelet si Ira na aking lalaki ni Ikkes na taga Tekoa si Abiezer na taga Anatot si Mebunnai na taga Husa si Zalmon na taga Aho si Maharai na taga Netofa si Heleb na aking lalaki ni Baana na taga Netofa si Ittai na aking lalaki ni Ribai na taga Gibea sa daga ni Benjamin si Benaias na taga Piraton si Hiddai na hale sa mga kapantayan na harani sa Gaas si Abialbon na taga Araba si Azmavet na taga Bahurim si Eliaba na taga Saalbon an mga aking lalaki ni Jasen si Jonatan si Samma na taga Harar si Ahiam na aking lalaki ni Sharar na taga Harar Si Elifelet na aking lalaki ni Ahasbai na taga Maaca si Eliam na aking lalaki ni Ahitofel na taga Gilo si Hezro na taga Carmelo si Paarai na taga Arab si Igal na aking lalaki ni Natan na taga Zoba si Bani na taga Gad si Zelek na taga Ammon si Maharai na taga Beerot, na iyo an paradara kan armas ni Joab si Ira asin si Gareb na mga taga Jattir si Urias na Heteo; treynta y syete sinda gabos.

1 Mga Hade 2:5

“Aram mo an ginibo sako ni Joab na aking lalaki ni Zeruias huli sa paggadan niya ki Abner na aking lalaki ni Ner saka ki Amasa na aking lalaki ni Jeter. Ginadan niya an duwang pamayong ini kan mga hukbo nin Israel sa panahon nin katoninongan bilang balos sa mga dugong pinabulos ninda sa panahon nin gera. Ginadan ni Joab an mga lalaking ini na mayong sala; ngunyan ako an naninimbag asin nagtitios huli kan nangyari.

1 Mga Cronica 11:26

Iyo ini an iba pang bantog na mga soldados: si Asahel na tugang na lalaki ni Joab si Elhanan na aking lalaki ni Dodo kan Betlehem si Samot na taga Harod si Helez na taga Pelet si Ira na aking lalaki ni Ikkes na taga Tekoa si Abiezer na taga Anatot si Sibecai na taga Husa si Ilai na taga Aho si Maharai na taga Netofa si Heled na aking lalaki ni Baana na taga Netofa si Itai na aking lalaki ni Ribai na taga Gibea sa daga nin Benjamin si Benaias na taga Piraton si Hurai na hale sa mga burabod nin Gaas si Abiel na taga Arba si Azmavet na taga Bahurum si Eliaba na taga Saalbon si Hasem na taga Gizon si Jonatan na aking lalaki ni Sagee na taga Harar si Ahiam na aking lalaki ni Sacar na taga Harar si Elifal na aking lalaki ni Ur si Hefer na taga Mekera si Ahias na taga Pelon si Hezro na taga Carmelo si Naarai na aking lalaki ni Ezbai si Joel na tugang na lalaki ni Natan si Mibhar na aking lalaki ni Hagri si Zelek na taga Ammon si Naharai na taga Beerot, na iyo an paradara kan armas ni Joab si Ira asin si Gareb na mga taga Jatir si Urias na Heteo si Zabad na aking lalaki ni Alai si Adina na aking lalaki ni Siza, na sarong lider sa tribu ni Ruben asin igwa man nin sadiring grupo nin treyntang mga soldados si Hanan na aking lalaki ni Maaca si Josafat na taga Mitan si Uzias na taga Astera si Samma asin si Jeiel na mga aking lalaki ni Hotam na taga Aroer si Jediael asin si Joha na mga aking lalaki ni Simri na taga Tiz si Eliel na taga Mahava si Jeribai asin si Josabias na mga aking lalaki ni Elnaam si Itma na taga Moab si Eliel, si Obed asin si Jaasiel na mga taga Zoba.

1 Mga Cronica 12:8

Sa tribu ni Gad, may bantog asin ekspertong mga soldados na nag-iba sa hukbo ni David kan ini nasa sarong bantayan sa desyerto. Mga eksperto sinda sa pagkapot nin kalasag saka garod; maiisog an mga lalawogon na garo sa leon, asin mga marikas arog kan mga usa.

1 Mga Cronica 12:9

Si Ezer iyo an pamayo, ikaduwa si Obadias, ikatolo si Eliab,

Salmo 18:33

Ginibo niya akong maingat sa paglakaw arog sa usa; pinangagin niya akong ligtas sa ibabaw nin kabukidan.

Parahulit 9:11

Nahiling ko man na sa kinaban na ini, bakong an gabos na marikas iyo an nanggagana sa karera; an mga maiisog dai man danay na nanggagana sa gera; bakong an gabos na madonong iyo an nagkakaigwa nin ikabubuhay; bakong an gabos na may abilidad an nagkakaigwa nin kayamanan; bakong an gabos na eksperto an nagkakamit kan haralangkaw na katongdan. An kadimalasan nangyayari sa kiisay man.

Awit nin mga Awit 2:17

sagkod na maghoyop an doros na makaaga asin mawara an mga anino. Magbalik ka, sakong namomotan, siring sa usa sa kabukidan nin Beter.

Awit nin mga Awit 8:14

Madya, sakong namomotan, maghidali ka siring sa usa, siring sa ogbon na usa sa kabukidan, saen nagtatalubo an mga pahamot.

Amos 2:14

Dai makakaligtas maski an pinakamarikas na paradalagan; mawawaraan nin kosog an makokosog na mga lalaki, asin dai ikakaligtas kan mga soldados maski an saindang buhay.

Habakkuk 3:19

An Kagurangnan Dios an nagtatao sako nin kosog. Pinapangagin niyang maingat an sakong mga bitis arog kan sa usa asin iniingatan na ligtas sa kabukidan.

1 Samuel 26:6

Hinapot ni David si Ahimelec na Heteo, asin si Abisai na tugang ni Joab (an ina ninda iyo si Zeruias), “Siisay sa saindong duwa an maiba sako pasiring sa kampo ni Saul?” “Ako,” an simbag ni Abisai.