2 Samuel 2:13 - Marahay na Bareta Biblia

¹³ Sinabat sinda ni Joab, na an ina iyo si Zeruias, kaiba an ibang mga opisyal ni David. Sa tangke nin Gibeon, nagtukaw an sarong grupo sa sarong ibong kan tangke, mantang an saro nagtukaw sa ibong.

2 Samuel 2:13 ပူးပေါင်းရင်းမြစ်များ

2 Samuel 2:18

Idtoon duman an tolong aking lalaki ni Zeruias na si Joab, Abisai, asin Asahel. Ining si Asahel marikas magdalagan siring sa sarong lalaw na usa.

2 Samuel 20:23

Si Joab an namayo kan hukbo nin Israel; si Benaias na aking lalaki ni Jehoiada an namahala kan mga bantay ni David;

2 Samuel 20:8

Pag-abot ninda sa dakulang gapo sa Gibeon, sinabat sinda ni Amasa. Nakasulot kaidto si Joab nin gubing na panggera; an saiyang espada na nasa sarongan nakakabit sa saiyang paha. Mantang nagrarani siya, nahulog an espada.

2 Samuel 23:24

An iba pang kaayon kan “An Treynta” iyo an minasunod: si Asahel na tugang ni Joab si Elhanan na aking lalaki ni Dodo na taga Betlehem si Samma asin Elika na taga Harod si Helez na taga Pelet si Ira na aking lalaki ni Ikkes na taga Tekoa si Abiezer na taga Anatot si Mebunnai na taga Husa si Zalmon na taga Aho si Maharai na taga Netofa si Heleb na aking lalaki ni Baana na taga Netofa si Ittai na aking lalaki ni Ribai na taga Gibea sa daga ni Benjamin si Benaias na taga Piraton si Hiddai na hale sa mga kapantayan na harani sa Gaas si Abialbon na taga Araba si Azmavet na taga Bahurim si Eliaba na taga Saalbon an mga aking lalaki ni Jasen si Jonatan si Samma na taga Harar si Ahiam na aking lalaki ni Sharar na taga Harar Si Elifelet na aking lalaki ni Ahasbai na taga Maaca si Eliam na aking lalaki ni Ahitofel na taga Gilo si Hezro na taga Carmelo si Paarai na taga Arab si Igal na aking lalaki ni Natan na taga Zoba si Bani na taga Gad si Zelek na taga Ammon si Maharai na taga Beerot, na iyo an paradara kan armas ni Joab si Ira asin si Gareb na mga taga Jattir si Urias na Heteo; treynta y syete sinda gabos.

2 Samuel 8:16

Si Joab, na aking lalaki ni Zeruias, iyo an pamayo kan hukbo; si Jehosafat, na aking lalaki ni Ahilud, iyo an kansilyer;

1 Mga Hade 1:7

Kinaolay ni Adonias si Joab, na an ina iyo si Zeruias, asin an padi na si Abiatar; nanuga sinda na tatabangan siya.

1 Mga Hade 2:5

“Aram mo an ginibo sako ni Joab na aking lalaki ni Zeruias huli sa paggadan niya ki Abner na aking lalaki ni Ner saka ki Amasa na aking lalaki ni Jeter. Ginadan niya an duwang pamayong ini kan mga hukbo nin Israel sa panahon nin katoninongan bilang balos sa mga dugong pinabulos ninda sa panahon nin gera. Ginadan ni Joab an mga lalaking ini na mayong sala; ngunyan ako an naninimbag asin nagtitios huli kan nangyari.

1 Mga Cronica 11:6

Nagsabi si David, “An enot na makagadan nin sarong Jebuseo iyo an magigin pamayo kan hukbo!” Si Joab na aking lalaki ni Zeruias iyo an enot na nagsalakay, kaya siya an nagin pamayo.

1 Mga Cronica 2:16

Igwa pa siya nin duwang aking babae: si Zeruias asin si Abigail. An aking babae ni Jesse na si Zeruias nagkaigwa nin tolong aking lalaki na iyo si Abisai, Joab, asin Asahel.

Jeremias 41:12

Kaya ipinag-iba ninda an gabos nindang tawohan saka linamag si Ismael; inabotan ninda ini sa may dakulang tangke sa Gibeon.

1 Samuel 26:6

Hinapot ni David si Ahimelec na Heteo, asin si Abisai na tugang ni Joab (an ina ninda iyo si Zeruias), “Siisay sa saindong duwa an maiba sako pasiring sa kampo ni Saul?” “Ako,” an simbag ni Abisai.