2 Samuel 2:1 - Marahay na Bareta Biblia

¹ Pakatapos kaini, naghapot si David sa Kagurangnan, “Dapat daw na magtukad ako pasiring sa arin man kan mga banwa nin Juda?” Nagsimbag an Kagurangnan, “Magtukad ka.” Naghapot si David, “Arin na banwa?” “Sa Hebron,” an simbag nin Kagurangnan.

2 Samuel 2:1 ပူးပေါင်းရင်းမြစ်များ

Genesis 13:18

Kaya naghale duman si Abram asin nag-erok harani sa sagradong mga kahoy ni Mamre sa Hebron. Nagpatindog siya nin altar duman para sa Kagurangnan.

Genesis 32:2

Kan mahiling niya sinda, nagsaboot siya, “Kampo ini nin Dios!” Kaya an lugar inapod niyang Mahanaim.

2 Samuel 15:7

Pakalihis nin apat na taon, sinabihan ni Absalom si Hadeng David, “Tugote akong magduman sa Hebron tanganing otobon an sarong panuga na ginibo ko sa Kagurangnan.

2 Samuel 2:11

asin naghade siya sa Juda duman sa Hebron sa laog nin pito may kabangang taon.

2 Samuel 5:19

Hinapot ni David an Kagurangnan, “Boot mong salakayon ko an mga Filisteo? Papangganahon mo daw ako?” Nagsimbag an Kagurangnan ki David, “Salakayon mo! Papangganahon taka!”

2 Samuel 5:23

Naghapot giraray si David sa Kagurangnan, na nagsabi saiya, “Dai mo sinda pagsalakayon hale digdi; maglibot ka asin salakayon mo sinda sa likodan ninda, harani sa mga kahoy na balsamo.

1 Mga Hade 2:11

Kwarentang taon siyang naghade sa Israel; pitong taon sa Hebron asin treynta y tres na taon sa Jerusalem.

1 Mga Cronica 29:7

Ini an mga idinolot ninda para sa Templo: sobra sa syento setentang toneladang bulawan, sobra sa tres syentos kwarentang toneladang plata, mga seis syentos beynte toneladang bronse, asin sobra sa tres mil kwatro syentos toneladang lansang.

2 Mga Cronica 11:10

Zora, Aijalon asin Hebron.

Salmo 143:8

Pagkaaga pagiromdoman sako an danay mong pagkamoot, huli ta minasarig ako saimo. Itukdo mo sako an dalan na aagihan ko, huli ta an sakong kalag iniitaas ko saimo.

Salmo 27:4

Saro sana an hinahagad ko sa Kagurangnan; saro sanang bagay an sakong minamawot; na ako mag-erok sa harong nin Kagurangnan sa gabos na aldaw nin sakong buhay, na mahiling ko an kagayonan nin Kagurangnan, asin magpamibi sa saiyang pinag-eerokan.

Ezekiel 36:37

Ini an itinataram nin Kagurangnan Dios, “An mga Israelita tutugotan ko giraray na maghagad sako nin tabang, asin papadakulon ko sinda sa bilang arog sa sarong ariponpon nin mga karnero.

Mga Bilang 13:22

Nagduman ngona sinda sa habagat na parte kan daga nin Canaan dangan sa Hebron, saen nag-eerok an mga kamaganakan ni Ahiman, ni Sesai asin ni Talmai, an kapagarakian kan sarong rasa nin mga higante na inaapod Anakim. (Pinatindog an Hebron mga pitong taon bago mapatindog an Zoan sa Egipto.)

Mga Bilang 27:21

Magsasarig siya sa pading si Eleazar na makakaaram kan sakong kabotan para saiya huli sa paggamit kan Urim asin Tummim. Sa paaging ini gigiyahan ni Eleazar si Josue asin an bilog na komunidad sa gabos nindang gigibohon.”

Josue 15:13

Siring sa ipinagboot nin Kagurangnan ki Josue, sarong parte kan daga ni Juda an itinao ki Caleb na aki ni Jefunne, na gikan sa tribu ni Juda. Napasaiya an Hebron, an syudad na sadiri ni Arba na ama ni Anak.

Hukom 1:1

Pakagadan ni Josue, hinapot an Kagurangnan kan banwaan nin Israel, “Arin sa mga tribu an enot na masalakay sa mga Cananeo?”

1 Samuel 10:22

Kaya naghapot sinda sa Kagurangnan, “Igwa pa daw nin iba?” Nagsimbag an Kagurangnan, “Yaon duman si Saul, nagtatago sa likod kan mga kagamitan.”

1 Samuel 23:2

Kaya hinapot ni David an Kagurangnan, “Dapat daw na magduman ako asin salakayon an mga Filisteo?” “Lakaw,” an simbag nin Kagurangnan. “Salakayon mo sinda asin ligtasan an Keila.”

1 Samuel 23:4

Kaya hinapot giraray ni David an Kagurangnan. Nagsimbag an Kagurangnan, “Lakaw, asin magduman ka sa Keila, huli ta papangganahon taka laban sa mga Filisteo.”

1 Samuel 30:31

saka Hebron. Ipinadara ini ni David sa gabos na lugar na naabot niya asin kan saiyang mga tawohan.