2 Samuel 19:43 - Marahay na Bareta Biblia

⁴³ Nagsimbag an mga Israelita, “Sampolong beses kadakul ki sa saindo an samong kahirasan ki Hadeng David, maski kadugo nindo siya. Tadaw ta nagpapalangkaw kamo? Bakong kami an naenot na magsabi na pabalikon an hade?” Alagad mas maringis an mga tataramon kan mga taga Juda ki sa mga taga Israel.

2 Samuel 19:43 ပူးပေါင်းရင်းမြစ်များ

2 Samuel 19:14

An mga tataramon na ini ni David an nakabirik kan mga puso kan gabos na taga Juda; kaya nagpatogon sinda sa hade na magbalik na kaiba an gabos niyang opisyal.

2 Samuel 19:9

Nagpoon na mag-iriwal an mga Israelita sa bilog na daga. Nagpasinarabihan sinda, “Ilinigtas kita ni Hadeng David sa satong mga kaiwal. Siya an nagligtas sato sa mga Filisteo, alagad nagdulag siya ki Absalom asin naghale.

2 Samuel 20:1

Nangyari na duman sa Gilgal, igwa nin sarong tawong mayo nin halaga na an ngaran Sheba, na aking lalaki ni Bikri, na gikan sa tribu ni Benjamin. Pinatanog niya an trompeta dangan nagkurahaw, “Mayo kaming kahirasan ki David; mayo kaming pamana hale sa aki ni Jesse! Mga Israelita, magpuruli na kita!”

2 Samuel 20:6

Kaya sinabihan si Abisai kan hade, “Orog na kulog nin payo an itatao sato ni Sheba ki sa ki Absalom. Ipag-iba mo an sakong mga tawohan asin lamagon mo siya, ta tibaad may masakop siyang pusog na mga banwa asin makadulag sato.”

2 Samuel 5:1

Dangan nagduman ki David sa Hebron an gabos na tribu nin Israel asin nagsabi, “Kadugo mo kami.

1 Mga Hade 12:16

Kan mahiling kan mga tawo na habong maghinanyog sainda an hade, nagkurahaw sinda, “Ano an samong kahirasan ki David? Dai kami nin pamana sa aking lalaki ni Jesse. Bumalik kamo sa saindong mga tolda, O Israel! Atamana ngunyan an sadiri mong harong, O David.” Kaya nagbaralik sa saindang mga tolda an mga Israelita.

Mga Talinhaga 13:10

An kapaabaw-abawan mayo nin ibubunga kundi iriwal. Sarong kadonongan an paghagad nin hatol.

Mga Talinhaga 15:1

An mahuyong pagsimbag nakakahale nin kaanggotan, alagad an matarom na tataramon minapaorog kaiyan.

Mga Talinhaga 17:14

An pagpoon nin ribok garo pagpabulos nin tubig; kaya ontokon iyan bago magdakula.

Mga Talinhaga 18:19

Tabangan mo an saimong tugang asin iingatan ka niya arog kan pusog na kudal nin syudad, alagad kun iwalon mo siya, seserahan ka niya nin pintoan.

Roma 12:21

Dai ka magpadaog sa maraot, kundi daogon mo an maraot sa paggibo nin marahay.

Galacia 5:15

Alagad kun garo kamo mga hayop na nagdudurulakan, mapapahamak kamo gabos. Kaya mag-ingat kamo.

Galacia 5:20

pagsamba sa mga dios-dios, pagtubod sa kulam, pag-iriwal, karibokan, pag-imon, aranggotan, pagkamaimot, pagkabaranga, pag-apil sa partido o grupo;

Galacia 5:26

Dai kita dapat magpaabaw-abaw o mag-aragyatan o mag-ororihan.

Filipos 2:3

Dai kamo maggibo nin anoman para sana sa sadiring karahayan o tanganing maghambog; kundi sa kapakumbabaan, ibilang nindo na mas marahay an iba ki sa saindo.

Santiago 1:20

An kaanggotan nin tawo dai nakakatabang sa matanos na katuyohan nin Dios.

Hukom 8:1

Nagreklamo ki Gideon an kalalakihan nin Efraim, “Tano ta dai mo kami inapod kan labanan mo an mga Midianita? Tano ta arog kaini an ginibo mo samo?”

Hukom 9:23

Dangan ginibo nin Dios na magkaanggotan si Abimelec saka an kalalakihan sa Shekem, kaya nagrebelde sinda ki Abimelec.