2 Samuel 19:28 - Marahay na Bareta Biblia

²⁸ An gabos na kaayon sa pamilya nin sakong ama maninigo kutanang gadanon kan mahal na hade, alagad ipinag-iba mo ako sa mga nagkakarakan sa saimong lamesa. Mayo akong deretso na maghagad pa nin ibang karahayan sa mahal na Hade.”

2 Samuel 19:28 ပူးပေါင်းရင်းမြစ်များ

Genesis 32:10

Bako akong maninigo kan danay mong pagkamoot asin kan pagkamaimbod na ipinahiling mo sako, na saimong oripon. Binalyo ko an Jordan na sugkod sana an dara alagad ngunyan nagbalik ako na may kaiba nang duwang grupo.

2 Samuel 14:17

Nagsaboot pa akong, ‘An panuga kan sakong kagurangnan na hade iyo an maligtas sako;’ huli ta an kagurangnan na hade siring sa anghel nin Dios na nakakaaram kan marahay saka kan maraot. Ibahan ka logod kan Kagurangnan na saimong Dios!”

2 Samuel 14:20

Alagad ginibo niya ini tanganing tanoson an nasasalang dalagan kan mga pangyayari. Madonong mananggad an mahal na hade siring sa anghel nin Dios asin tatao kan gabos na nangyayari.”

2 Samuel 15:26

Alagad kun dai niya ako nawiwilihan, uya ako asin gibohon logod niya sako an pagmarahayon niya.”

2 Samuel 16:3

Naghapot an hade, “Haen si Mefiboset, an makoapo kan saimong kagurangnan na si Saul?” Nagsimbag si Ziba, “Nagpawalat siya sa Jerusalem huli ta nagtutubod siyang ibabalik saiya kan mga Israelita an kahadean kan saiyang lolo na si Saul.”

2 Samuel 19:29

Nagsimbag an hade, “Dai mo na kaipuhan dagdagan pa an saimong sinabi. Nagdesisyon na ako na bangaon nindo ni Ziba an pagsadiri ni Saul.”

2 Samuel 9:10

Ika, an saimong mga aking lalaki, asin an saimong mga sorogoon iyo an mag-aataman kan daga para ki Mefiboset asin dadarahon mo saiya an ani, tanganing magkakan an saiyang pamilya. Alagad si Mefiboset danay na magkakakan sa sakong lamesa.” (Kinse an aking lalaki ni Ziba asin beynte an saiyang mga sorogoon.)

2 Samuel 9:13

Kaya si Mefiboset, na pilay an duwang bitis, nag-erok sa Jerusalem asin nagkakan sa lamesa kan hade.

2 Mga Hade 8:3

Pakalihis nin pitong taon, nagbalik siya sa Israel asin nagduman sa hade tanganing hagadan nin tabang na makabalik saiya an saiyang harong saka daga.

1 Samuel 26:16

Nagpabaya ka sa saimong katongdan. Isinusumpa ko sa ngaran nin Kagurangnan, na kamo gabos maninigong gadanon, huli ta dai nindo binantayan an saindong kagurangnan, an linahidan nin Kagurangnan. Hilinga! Haen an garod kan hade? Haen an dulay nin tubig na nasa saiyang pamayohan?”