2 Samuel 19:24 - Marahay na Bareta Biblia

²⁴ Naglugsot si Mefiboset na makoapo ni Saul tanganing sabaton an hade. Dai niya hinugasan an saiyang bitis, ni pinutolan an saiyang barabas o linabahan an saiyang gubing magpoon kan maghale an hade sa Jerusalem sagkod na magbalik ini na mapanggana.

2 Samuel 19:24 ပူးပေါင်းရင်းမြစ်များ

2 Samuel 12:20

Dangan nagtindog si David, nagkarigos, nagsukray saka nagsangle kan saiyang gubing. Pakatapos, naglaog siya sa Tabernakulo asin nagsamba. Pagbalik niya sa palasyo, naghagad siya nin pagkakan dangan nagkakan.

2 Samuel 15:30

Alagad naghihibi na nagtukad si David sa Bukid nin mga Oliba; nakabitis sana siya asin may tahob an payo bilang tanda nin pagmondo. An gabos na nagsunod saiya nagtahob man kan saindang payo asin naghibi.

2 Samuel 16:3

Naghapot an hade, “Haen si Mefiboset, an makoapo kan saimong kagurangnan na si Saul?” Nagsimbag si Ziba, “Nagpawalat siya sa Jerusalem huli ta nagtutubod siyang ibabalik saiya kan mga Israelita an kahadean kan saiyang lolo na si Saul.”

2 Samuel 9:11

Nagsimbag si Ziba, “Gigibohon ko an gabos na ipinagboot kan sakong kagurangnan.” Magpoon kaidto, nagkakan si Mefiboset sa lamesa kan hade, arog kan arin man sa mga aking lalaki kan hade.

1 Mga Hade 2:8

“Dai mo man paglingawan si Simei na aking lalaki ni Gera, an Benjaminitang taga Bahurim na nagmaldisyon sako kan ako magduman sa Mahanaim. Alagad kan sabaton niya ako sa Salog nin Jordan, nanuga ako saiya sa ngaran nin Kagurangnan na dai ko siya ipapagadan.

Exodo 19:10

Tinaraman siya nin Kagurangnan, “Magduman ka sa mga tawo asin sabihan mo na maglinig sinda ngunyan sagkod sa aga. Palabahan mo sainda an saindang mga gubing

Isaias 15:2

An mga taga Dibon minasarakat sa itaas kan bulod tanganing magtangis sa paganong mga lugar na pagsasambahan. Sa kamondoan, tatangisan kan mga taga Moab an mga syudad nin Nebo saka Medeba; inaris ninda an buhok sa saindang mga payo asin barabas sa kamondoan.

Jeremias 41:5

otsentang lalaki an nag-abot hale sa Shekem, Shilo, asin Samaria. Inaris ninda an saindang barabas, ginisi an saindang mga gubing saka linugad an saindang mga hawak. May dara sindang trigo saka insenso na idodolot sa Templo.

Mateo 6:16

“Kun nag-aayuno kamo, dai kamo magpahiling nin mamondong lalawogon arog kan ginigibo kan mga parasagin-sagin. Nagpapahiling sindang garo gutom tanganing maaraman kan mga tawo na nag-aayuno sinda. Sa katotoohan sinasabihan ko kamo, inako na ninda an balos!

Roma 12:15

Mag-ogma kamo kaiba kan mga nag-oogma; maghibi kamo kaiba kan mga naghihibi.

Hebreyo 13:3

Giromdomon nindo an mga bilanggo, na garo baga kaiba kamo ninda sa bilanggoan. Giromdomon nindo an mga pinapasakitan, na garo baga kamo man sana an pinapasakitan.