2 Samuel 19:21 - Marahay na Bareta Biblia

²¹ Nagsabi si Abisai na aking lalaki ni Zeruias, “Dapat gadanon si Simei huli ta minaldisyon niya an linahidan nin Kagurangnan bilang hade.”

2 Samuel 19:21 ပူးပေါင်းရင်းမြစ်များ

2 Samuel 16:13

Kaya nagpadagos sa paglakaw si David asin an saiyang mga tawohan. Dai nag-ontok si Simei; naglakaw siya sa gilid kan bulod asin ipinadagos an pagmaldisyon, an paggapo, asin an pagtapok nin alpog ki David saka sa mga kaibahan kan hade.

2 Samuel 16:5

Pag-abot ni Hadeng David sa Bahurim, nagluwas sa pagsabat saiya an saro sa mga kadugo ni Saul, na an ngaran Simei, na aking lalaki ni Gera. Minamaldisyon niya si David mantang naglalakaw

2 Samuel 16:9

Nagsabi sa hade si Abisai, na aki ni Zeruias, “Mahal na hade, tadaw ta pinapabayaan mong maldisyonon ka kan ayam na iyan? Padumana ako asin pupugotan ko siya!”

Salmo 84:9

Bendisyonan mo an samong hade, O Dios; an hade na saimong pinili.

Exodo 22:28

“Dai kamo maglanghad sa Dios asin dai nindo pagsumpaon an sarong namamayo kan saindong banwaan.

Mga Panambitan 4:20

Binihag ninda an ginikanan kan samong buhay, an hade na linahidan nin Kagurangnan, an samong sinarigan na maingat samo sa lambang parasalakay.”

1 Samuel 24:6

Sinabihan niya an saiyang mga tawohan, “Ilikay logod ako nin Kagurangnan na makaginibo nin ano man na karatan laban sa sakong kagurangnan, an pinili nin Kagurangnan na magin hade! Kaipuhan dai ko siya pag-anohon maski kadikit, huli ta siya an piniling hade kan Kagurangnan!”

1 Samuel 26:9

Alagad nagsabi si David, “Dai mo siya paggadanon! Papadusahan nanggad nin Kagurangnan an siisay man na gumadan sa hade na saiyang pinili.