2 Samuel 19:20 - Marahay na Bareta Biblia

²⁰ Mahal na Hade aram ko na nagkasala ako, kun kaya ako an naenot na nagdigdi hale sa mga tribu sa amihan tanganing sabaton taka ngunyan.”

2 Samuel 19:20 ပူးပေါင်းရင်းမြစ်များ

Genesis 48:14

Alagad pinagkrus ni Jacob an saiyang mga kamot, asin ibinabaw an too niyang kamot sa payo ni Efraim, an mas aki sa duwa, asin an wala niyang kamot sa ibabaw kan payo ni Manases, an matua.

Genesis 48:20

Kaya kan aldaw na idto, benendisyonan niya sinda na nagsabi, “Gagamiton kan mga Israelita an saindong mga ngaran kun sinda mabendisyon. Masabi sinda, ‘Gibohon ka logod nin Dios siring ki Efraim saka ki Manases.’” Sa paaging ini pinaenot ni Jacob si Efraim ki Manases.

2 Samuel 16:5

Pag-abot ni Hadeng David sa Bahurim, nagluwas sa pagsabat saiya an saro sa mga kadugo ni Saul, na an ngaran Simei, na aking lalaki ni Gera. Minamaldisyon niya si David mantang naglalakaw

2 Samuel 19:21

Nagsabi si Abisai na aking lalaki ni Zeruias, “Dapat gadanon si Simei huli ta minaldisyon niya an linahidan nin Kagurangnan bilang hade.”

2 Samuel 19:9

Nagpoon na mag-iriwal an mga Israelita sa bilog na daga. Nagpasinarabihan sinda, “Ilinigtas kita ni Hadeng David sa satong mga kaiwal. Siya an nagligtas sato sa mga Filisteo, alagad nagdulag siya ki Absalom asin naghale.

1 Mga Hade 12:20

Kan madangog kan bilog na Israel na nagbalik si Jeroboam hale sa Egipto, ipinaapod ninda siya sa katiriponan kan banwaan, asin ginibo siyang hade nin Israel. An tribu sana ni Juda an nagdanay na maimbod sa kapagarakian ni David.

1 Mga Hade 12:25

Pinakosog ni Jeroboam an Shekem sa mabulod na daga nin Efraim asin nag-erok siya duman. Dangan naghale siya asin pinakosog an banwa nin Penuel.

Jeremias 22:23

Matiwasay kamong nagpapahingalo sa tahaw kan mga sedrong hale sa Lebanon; alagad makaheherak kamo kun abotan na kamo nin kulog, kulog na arog kan namamatean nin sarong babaeng nangangaki.

Oseas 5:15

“Papabayaan ko an sakong banwaan sagkod na magtios sinda kan maninigo para sa saindang kasalan asin hanapon ninda ako. Tibaad sa saindang pagtios, hingowahon nindang hanapon ako.”

Oseas 5:3

Aram ko kun ano an kabaing nin Israel—dai niya ako pwedeng pagtagoan. Dai siya nagin maimbod, asin bakong maninigong magsamba sako an saiyang banwaan.”