2 Samuel 19:18 - Marahay na Bareta Biblia

¹⁸ Nagbalyo sinda sa salog tanganing ibahan an grupo kan hade sa pagbalyo niya asin sa paggibo kan anoman na boot ipagibo kan hade. Kan nag-aandam na an hade sa pagbalyo sa salog, nagdapa si Simei sa atubangan ni David

2 Samuel 19:18 ပူးပေါင်းရင်းမြစ်များ

2 Samuel 19:17

Kaiba niya an sangribong kalalakihan na gikan sa tribu ni Benjamin. Nagduman man si Ziba, an oripon kan pamilya ni Saul, kaiba an kinse niyang aking lalaki saka beynteng sorogoon; naenot sinda sa hade sa pag-abot sa Jordan.

2 Samuel 19:19

asin nagsabi, “Mahal na Hade, patawada ako kan ginibo kong sala saimo kan aldaw na maghale ka sa Jerusalem. Dai mo na logod idto giromdomon.

2 Samuel 19:30

Nagsabi si Mefiboset sa hade, “Tawan na sana gabos ki Ziba. Tama na para sako na nakapuling ligtas an mahal na Hade.”

2 Samuel 9:10

Ika, an saimong mga aking lalaki, asin an saimong mga sorogoon iyo an mag-aataman kan daga para ki Mefiboset asin dadarahon mo saiya an ani, tanganing magkakan an saiyang pamilya. Alagad si Mefiboset danay na magkakakan sa sakong lamesa.” (Kinse an aking lalaki ni Ziba asin beynte an saiyang mga sorogoon.)

2 Samuel 9:2

Igwa kaidto nin nagin sorogoon an pamilya ni Saul na an ngaran Ziba, asin pinaduman ninda ini ki David. Hinapot siya ni David, “Ika si Ziba?” “Iyo,” an simbag kaini.

1 Mga Hade 2:8

“Dai mo man paglingawan si Simei na aking lalaki ni Gera, an Benjaminitang taga Bahurim na nagmaldisyon sako kan ako magduman sa Mahanaim. Alagad kan sabaton niya ako sa Salog nin Jordan, nanuga ako saiya sa ngaran nin Kagurangnan na dai ko siya ipapagadan.

Salmo 66:3

Sabihan nindo an Dios, “Makangangalas an saimong ginibohan! Dakula nin marahay an saimong kapangyarihan, kaya an saimong mga kaiwal minaduko sa takot sa saimong atubang.

Salmo 81:15

Sa atubang ko, maduko sa takot an mga naaanggot sako; an saindang padusa magdadanay sagkod lamang.

Kapahayagan 3:9

Uya, an mga kaiba sa sinagoga ni Satanas, na nagsasabing sinda mga Judio alagad bako, kundi nagpuputik sana, padodolokon ko asin paluluhodon sa atubang mo, tanganing maaraman ninda gabos na namomotan taka.

1 Samuel 22:15

Totoo, hinapot ko an Dios para saiya, alagad bako idto an enot na paggibo ko kaiyan. Manongod sa pagtumang saimo, mahal na hade, hare man pagduda sako o sa kiisay man sa sakong pamilya. Mayo akong naaraman manongod sa bagay na iyan!”