2 Samuel 19:1 - Marahay na Bareta Biblia

¹ Nabaretaan ni Joab na naghihibi asin nagmomondo si Hadeng David para ki Absalom.

2 Samuel 19:1 ပူးပေါင်းရင်းမြစ်များ

Genesis 37:35

Dinalaw si Jacob kan gabos niyang aking lalaki asin babae tanganing rangahon, alagad padagos siyang nagmondo. Olay niya, “Magagadan akong nagmomondo para sa sakong aki.” Siring kaiyan an pagmondo ni Jacob para ki Jose.

2 Samuel 18:12

Alagad nagsimbag ki Joab an lalaki, “Maski tawan mo pa ako nin sarong ribong plata, dai ko ibibikyaw an sakong kamot laban sa aking lalaki kan hade. Nadangog mi gabos an hade kan pagbotan ka niya, si Abisai, asin si Ittai, na dai nindo pagkulogan an hoben na si Absalom huli saiya.

2 Samuel 18:14

Nagsabi si Joab, “Nasasayang an panahon ko saimo.” Nagkua si Joab nin tolong garod asin itinusok an mga ini sa daghan ni Absalom mantang buhay pa siya asin nabibitay sa hamurawon na kahoy.

2 Samuel 18:20

Nagsimbag si Joab, “Dai ka dapat magdara nin bareta ngunyan na aldaw; pwedeng sa ibang aldaw, alagad bako ngunyan, huli ta gadan an aking lalaki kan hade.”

2 Samuel 18:33

Inabotan nin makuring kamondoan an hade. Nagsakat siya sa kwartong nasa itaas kan trangkahan asin naghibi. Mantang naglalakaw siya, nasasambit niya an, “O aki ko! Aki kong Absalom, aki ko! Ako na kuta an nagadan embes na ika, aki ko! Absalom, aki ko!”

2 Samuel 18:5

Pinagbotan kan hade si Joab, si Abisai asin si Ittai, “Huli sako, dai nindo pagkulogon an hoben na si Absalom.” An pagboot kan hade sa mga namamayo kan hukbo manongod ki Absalom nadangog kan gabos na tawo.

2 Samuel 19:2

Kaya para sa gabos na soldados ni David, nagin kamondoan an kapangganahan kan aldaw na idto, huli ta nadangog nindang ipinagmomondo kan hade an pagkagadan kan saiyang aking lalaki.

Mga Talinhaga 17:25

An aking lolong kamondoan kan saiyang ama, asin kapaitan nin boot kan saiyang ina.

Zacarias 12:10

“An mga kapagarakian ni David asin an mga nag-eerok sa Jerusalem tatawan ko kan espiritu nin pagkaherak saka kan pagpamibi, tanganing paghiling ninda sa tawong saindang binuno, matangis sinda arog kan mga nagtatangis para sa bugtong na aki. Magtatangis sinda nin mapait arog kan nagadanan kan saindang matuang aking lalaki.