2 Samuel 18:9 - Marahay na Bareta Biblia

⁹ Nasabat ni Absalom an nagkapirang tawohan ni David. Nakalunad siya sa sarong mula asin kan magsurok an mula sa irarom kan mahibog na mga sanga kan hamurawon na kahoy, nakasabit an saiyang payo sa mga sanga. Nagpadagos an mula sa pagdalagan kaya nawalat na nakabitay si Absalom.

2 Samuel 18:9 ပူးပေါင်းရင်းမြစ်များ

2 Samuel 13:29

Sinunod kan mga sorogoon an pagboot ni Absalom; ginadan ninda si Amnon. Dangan nagtirindog an gabos na aking lalaki kan hade, nagrulunad sa saindang mga mula asin nagdurulag.

2 Samuel 14:26

Mahibog nin marahay an saiyang buhok, asin kaipuhan na putolan niya ini taon-taon, kun halaba asin magabat na nin marahay. Minasobra sa duwang kilo an timbang kan saiyang pinutol na buhok, sosog sa timbangan kan hade.

2 Samuel 17:23

Kan mahiling ni Ahitofel na dai sinunod an saiyang hatol, kinamaderohan niya an saiyang asno dangan nagpuli sa sadiring syudad. Kan maasikaso na niya an gabos na dapat gibohon, naghugot siya. Ilinubong siya sa lulubngan kan saiyang pamilya.

2 Samuel 18:10

Nahiling si Absalom kan saro kan mga tawohan ni David asin ibinareta ini ki Joab, “Nahiling kong nabibitay si Absalom sa hamurawon na kahoy!”

2 Samuel 18:14

Nagsabi si Joab, “Nasasayang an panahon ko saimo.” Nagkua si Joab nin tolong garod asin itinusok an mga ini sa daghan ni Absalom mantang buhay pa siya asin nabibitay sa hamurawon na kahoy.

2 Samuel 18:8

Naglakop an ralaban sa kaawagan, asin mas dakul an nagkagaradan sa kadlagan ki sa pagralaban.

An Libro ni Job 31:3

Bakong minaabot an kapahamakan sa mga bakong matanos, asin an kasakitan sa mga paragibo nin karatan?

Mga Talinhaga 20:20

An magmaldisyon sa magurang, matatapos an buhay na garo pinalsok na ilawan sa kadikloman.

Mga Talinhaga 30:17

An siisay man na nag-oolog-olog sa saiyang ama o nagsisikwal sa saiyang ina sa paggurang kan mga ini dapat na ipakakan sa mga bwitre o ipatuka an mga mata sa mga uwak.

Jeremias 48:44

An makadulag sa katakotan mahuhulog sa mga kalot, an makahawas hale sa mga kalot madadakop sa mga litag, huli ta itinalaan na nin Kagurangnan an pagraot sa Moab.

Mateo 27:5

Inapon ni Judas sa Templo an kwarta saka naghale siya dangan nagbitay.

Markos 7:10

Nagboot si Moises, ‘Galangan mo an saimong ama asin ina,’ saka ‘An magtaram nin maraot tumang sa saiyang ama o ina, dapat na gadanon.’

Galacia 3:13

Ilinigtas kita ni Cristo sa maldisyon na dara kan Katogonan. Siya an minaldisyon embes na kita, huli ta nasusurat, “An siisay man na binitay sa kahoy minaldisyon.”

Deuteronomio 21:23

dai iyan dapat pagpaagahan. Kaipuhan ilubong an bangkay sa aldaw man sanang iyan, huli ta an bangkay na nabibitay sa kahoy nagdadara sa daga kan maldisyon nin Dios. Ilubong nindo an bangkay tanganing dai madigtaan an daga na itatao saindo nin Kagurangnan na saindong Dios.

Deuteronomio 27:16

“‘Maldisyonon an siisay man na dai maggalang sa saiyang ama saka ina.’ “Dangan an bilog na banwaan masimbag, ‘Amen!’

Deuteronomio 27:20

“‘Maldisyonon an siisay man na magsopog sa saiyang ama huli sa pagdorog sa arin man sa mga agom kan saiyang ama.’ “Dangan an bilog na banwaan masimbag, ‘Amen!’