2 Samuel 18:5 - Marahay na Bareta Biblia

⁵ Pinagbotan kan hade si Joab, si Abisai asin si Ittai, “Huli sako, dai nindo pagkulogon an hoben na si Absalom.” An pagboot kan hade sa mga namamayo kan hukbo manongod ki Absalom nadangog kan gabos na tawo.

2 Samuel 18:5 ပူးပေါင်းရင်းမြစ်များ

2 Samuel 16:11

Dangan sinabihan ni David si Abisai asin an gabos niyang opisyal, “Kun boot ngani akong gadanon kan sakong aki, tadaw ta minangalas kamo sa Benjaminitang ini? Sinabihan siya nin Kagurangnan na maldisyonon ako, kaya pabayaan nindo siya na magmaldisyon sako.

2 Samuel 17:14

Nagsabi si Absalom asin an gabos na Israelita, “Mas marahay an hatol ni Husai ki sa hatol ni Ahitofel.” Pinangyari nin Kagurangnan na dai pagsunodon an marahay na hatol ni Ahitofel, tanganing kapahamakan an mag-abot ki Absalom.

2 Samuel 18:12

Alagad nagsimbag ki Joab an lalaki, “Maski tawan mo pa ako nin sarong ribong plata, dai ko ibibikyaw an sakong kamot laban sa aking lalaki kan hade. Nadangog mi gabos an hade kan pagbotan ka niya, si Abisai, asin si Ittai, na dai nindo pagkulogan an hoben na si Absalom huli saiya.

2 Samuel 19:1

Nabaretaan ni Joab na naghihibi asin nagmomondo si Hadeng David para ki Absalom.

Salmo 103:13

Siring na an ama naheherak sa saiyang mga aki, an Kagurangnan naheherak man sa mga may pagkatakot saiya.

Lukas 23:34

Nagtaram si Jesus, “Ama, patawada sinda! Huli ta dai ninda aram an saindang ginigibo.” Pinagripahan kan mga soldados an mga gubing ni Jesus tanganing pagbarangaon.